2 Lubbo'ya Kaaliiqa galati; galatasino habbooti.
Hiziqiyaasi kayinni wodanisira boo'na wo'mite noo daafira, Kaaliiqi assinosi danchummara galata diqolino. Kunninni kainohunni Kaaliiqi hanqi isi, Yihudunna Yerusaalamete manni aana dirri.
Ki'ne soqqamaanchisi Abirihaami ooso, doorantinoonniri Yaiqoobi sirchi baalu, Kaaliiqi assino maalale baalanna, yiino yoo wodanche.
Gibitsete heedheenna, maalaletenni gatisinonsa Magano habbu.
Akaakkanke Gibitsete gobbara heedhe, assino dhagge baala diwodanchitino. Leellishinonsaha bagamannokkiha baxillesi habbino. Duumu Baari gama maahoyye gibbino.
Assinoehura danchu coyi baalaho, Kaaliiqira hanni ma"asse qoleemmosi?
Kuni Edoomi gobbanni Bootsira Kataminni, duumo imaana uddi're daannohu ayeti? Wolqatenni wo'me, ayirrado imaana uddi're qa'naafanni noohu ayeti? Taalo yoo yeemmohu, gatisate wolqa nooehu ani Kaaliiqaati.
Kaaliiqi assinonkerira baalaho, Israeelete manna mararino mararrora, bati'ru hegere baxillisinna shaqqillisi daafira, Kaaliiqiha dancha loososinna galatasi duduweemmo.
Kalaqaanchinsa Maganuwiinni wirri yitino. Ilinonsaha jawaata golonsa habbino.
Ki'ne gowwootunna wodanchitinannikki gosa, Kaaliiqira qoltinanni galati konneeti? Isi kalaqino'neha anna'ne di"ikkino? Ki'ne gosa assino'nehu iso di"ikkino?
borojjimmatenni Gibitsete gobbanni fushshino'neha Kaaliiqa habbinannikki gede qorophe.
Israeelete noo ejjeetto albissanna, mannuno baxe umisinni ka"anna, Kaaliiqi galatamo.
Ane wodani Israeelete ejjeetto ledonna, umisinni kakkaino manni ledo no; Kaaliiqira galatu iillo!
