FAARSO 103:18 - Qullaawa Maxaafa

¹⁸ Konne assannohuno, gondoorosi agadhitannoriraatinna, hajajosi xeissukkinni wonshitannoriraati.

FAARSO 103:18 ပူးပေါင်းရင်းမြစ်များ

LAYINKI DUDUWO 34:31

Iyosiyaasino kae mootete heelliicho mule uurre, wo'mu wodanisinninna wo'ma hedosinni Kaaliiqi yiino gede ikkate hajajosi, wogasinna wodhosi agadhatenni maxaafu giddo borreessinoonni coye wonshate gondooro ei.

FAARSO 132:12

oosokki gondooro'yanna eemmonsa hajajo agadhituro, ate gedensaanni oosokki hegerera mookkanno» yite horontanni soorrantannokki hexxo oottosi.

FAARSO 25:10

Gondoorosinna hajajosi agartannorira, Kaaliiqi loosanno loosinni maarosinna bagamannokkiha baxillesi leellishannonsa.

FULO 19:5

Xaano anera hajajantinironna gondooro'ya agadhitiniro, baatto baalate aana noo manniwiinni baxxitine ki'ne ane manna ikkitinanni;

FULO 24:8

Museno mundee haa're mannu aana wixanni, «Kaaliiqi ki'nera hajajo uyi'ne yannara eino gondoori mundee tenneeti» yii.

LAWISHSHA 3:1

Rosiisaanchu, «Beetto'ya ballo, rosiiseemmohere habbooti; hajajo'yano wodanikkira wodhi.

ISAYAASI 64:4

Bi're albinni kayisse hexxitannosirira togoo dhagge assinoha, ate gedee Magano affino illenna, macciishshitino macca horonta dino.

KIIRO 15:40

Konne qaagginanni woyite hajajo'ya baalanta wonshate heddinanni; hakkawoyite ane Magani'nera baxxitinoonnire ikkitinanni.

MAATEWOOSI 28:20

Hajajoommo'nere baala assitanno gede rosiissensa! Kuneeti, gobbate goofimarchi geeshsha ani ki'ne ledo noommo» yiinsa.

LUQAASI 1:6

Lamunku Maganu albaanni hajajosinna Seerasi minshanniri nookki garinni agadhitanni keeraanchimmatenni heedhino.

SOQQAMAASINETE LOOSO 24:16

Kunnira mannunna Maganu albaanni wo'manka woyite dancha hedo heedhannoe gede jaateemmo.

MARRO 4:23

Magani'ne Kaaliiqi ki'ne ledo eino gondooro habbinannikki gede qorophe. Magani'ne Kaaliiqi hoolinota kaphu maganna mayi daninnino seekkidhinoonte.

MARRO 7:12

«Konne seera macciishshitinironna seekkitine agadhitiniro, Magani'ne Kaaliiqi annuwa'nera xaari xaaro garinni xaano gondoorosinna bagamannokki baxillesi disoorranno.

MARRO 7:9

Kunnira, Magani'ne Kaaliiqi baxxannosiriranna hajajosi agadhitannorira gondoorosinna bagamannokki baxillesi kume ilama geeshsha agarannoha ikkinota habbinoonte. Isi ammanamino Maganooti.

UMI TESELONQE 4:1

Roduuwa'ya, Magano hagiirsiisate hiitto ikkine hee'ra hasiissannoro ninkewiinni rossinoonni; xa heedhinoonnihu hakko garinniiti. Leddine leddine hatte heeshsho heedhinanni gede Mootichu Yesuusi su'minni huucci'neemmo'nenna amaalleemmo'ne.