FAARSO 103:17 - Qullaawa Maxaafa

¹⁷ Kaaliiqi kayinni waajjitannosirira baalaho, hegere geeshsha bagamannokkiha baxillesi leellishannonsa; keeraanchimmasino ilamate ilamara iillishanno.

FAARSO 103:17 ပူးပေါင်းရင်းမြစ်များ

FAARSO 100:5

Kaaliiqi danchaho; bagamannokkihu baxillisino hegereho; ammanamasino ilamate ilamaraati.

FAARSO 111:3

Kaaliiqi loosi ayirrinyunna gaamaarre wo'mitinoho; keeraanchimmasino hegerete.

FAARSO 118:1

Kaaliiqi shaqqado ikkino daafira, bagamannokkihu baxillisino hegereha ikkinohura, iso galattesi.

FAARSO 22:31

Kunni ka'a ilamanno mannira, «Kaaliiqi mannasi gatisino» yine kullanni.

FAARSO 25:6

Kaaliiqa eeggate, hundinni kayise noore, maarokkinna bagamannokkiha baxillekki qaagi.

FAARSO 90:16

Ninke soqqamaanokki jawaata loosokki la'neemmo gedenna, oosonke ayirrado wolqakki affanno gede assi.

FULO 20:6

Baxxannoerenna hajajo'ya ayirrissannore kayinni kume ilama geeshsha bagamannokki baxillinni baxeemmonsa.

ISAYAASI 41:8

«Ati soqqamaancho'ya Israeele, doodhoommo manni kayinni, jaali'ya Abirihaami sirchooti.

ISAYAASI 46:13

Keeraanchimma'ya abbanni noommo; barruno dixeerti'rino; gatisaanchimma'yano difaffino. Yerusaalameno gatiseemmo; Israeeleteno ayirrinye'ya uddisiiseemmo» yiino.

ISAYAASI 51:6

Ille'nenni iima higgine gordo, uulla qoltine baatto la'e! Gorduwa wiliilete gede billaallite ba'anno. Baattono uddanote gede akkaltanno; aanase heedhannori baalu bookkete gede ikkite gooffanno; ane gatisaanchimma kayinni hegerete; gatisa'yarano gawalo dino.

ERMIYAASI 31:3

ani Kaaliiqi insara fafe hee're leelloommonsa. «Bagamannokki baxillinni baxoommo'ne; hakko baxillinni anewa gamba assoommo'ne.

DAANIEELI 9:24

«7 hige 70 lamala yinannihu Maganu mannakkinna qullaawa katamakki cubbunninna bunshetewiinni keere fushshate hirqino yannaati. Hatte yannara cubbu aguramanno; hegere halaali darga amadeenna ajuujanna himanu wo'manno; Qullaawa Mineno gatamarre maassi'nanni.

MIKIYAASI 6:5

Manna'ya, Moaabi moote Baalaaqi maricho hedino'neronna Bioori beetti Beleaami mayee qolinosiro wodanche. Konne duuchanka qaagge. Shixiiminni ka'ine Galgala hadhini doogora ikkinore baala qaagge. Konne duuchanka qaagginiro gatisammo'nera assoommore baala wodanchitinanni» yaanno.

ROOMU SOKKA 1:17

«Keeraanchu amma'natenni heeshsho afi'ranno» yine borreessinoonninte gede, Danchu Duduwi Maganu manna uminni kayise goofimarchu geeshsha amma'natenni keereensannota kulanno.

ROOMU SOKKA 15:8

Hatto yaa'ya, akaakkate uyinoonni hexxo wo'mitanno gedenna Maganu ammanaminoha ikkinota leellishate Kiristoosi Ayihudete soqqamaancho ikkino yaate.

MARRO 10:15

Kaaliiqi annuwa'ne wodanisinni gudise baxinonsahura, sirchonsa ikkitinoonnire ki'ne dagate mereerinni dooreenna'ne techo geeshsha ki'ne isi mannaati.

LAYINKI XIMOOTEWOOSI 1:9

Ninke loosinni ikkikkinni isi hedosinninna eltosinni gitisinonke. Qullaawa heeshshora woshshinonke; tenne elto lowo dirira albaanni Kiristoosi Yesuusi widoonni qole uyinonke.

LAYINKI PHEEXIROOSI 1:1

Yesuusi Kiristoosi soqqamaanchonna soqqamaasincho ikkinohu Simiooni Pheexiroosiwiinni, Maganinkenna Gatisaanchinke Yesuusi Kiristoosi keeraanchimma widoonni afi'noommo ammana gedeeta ayirrado ammana afidhinoonnirira: