FAARSO 103:14 - Qullaawa Maxaafa

¹⁴ Mayinni kalaqinonkero isi afino; bushsha ikkanke dihawino.

FAARSO 103:14 ပူးပေါင်းရင်းမြစ်များ

KALAQAMA 2:7

Kaaliiqi Maganu baattote aaninni bushsha haa're, manna bushshunni seekki; sanosirano lubbo aanno foole ufuufi; mannuno lubbo noosi kalaqama ikki.

KALAQAMA 3:19

Dayotto baatto higatto geeshsha sagale hunkiikkinni itatto; ati bushshahona, galagalte bushsha higatto» yiisi.

IYYOOBI 10:9

Bushshunni assite seekkittoeta diqaagatto? Mayiraatiyya galagalchite bushshu giddora qolattoehu?

IYYOOBI 13:25

Ane giggiltino daro gedeeha mayira qarrisattoe? Moolino kura laweemmoha mayira shorrattoe?

IYYOOBI 7:21

Sao'ya mayira agura giwittoe? Cubbo'yano haadhe mayira dihoolattoe? Rahe baattote giddora e"eemmo; hasseno diafattoe» yii.

FAARSO 89:47

Diri'ya mageeshshi geeshsha haranchohoro lai; halaalintanni manna beebballa kalaqootto yaateni!

ROSIISAANCHO 12:7

Maalu bushsha ikkinohura, galagale bushsha higanno; lubbo kalaqinose Maganiwa hadhanno.

ISAYAASI 29:16

Insa baalanka coye galchitanno. Dora ganannohunna doru uduunnichi woyite hiikku rooranno? Seekkinoonni uduunnichi seekkinosiha, «Ati diseekkoottoe» yaannoni? Woy kayinni, «Seekkinanni gara diegennootto» yaannoni?