FAARSO 100:3 - Qullaawa Maxaafa

³ Kaaliiqi Magano ikkinota egenne; kalaqinonkehu isooti; ninkeno isireeti; ge'reewu gede asse allaalannonke mannasiiti.

FAARSO 100:3 ပူးပေါင်းရင်းမြစ်များ

LAYINKI MOOTOOLLA 19:19

Kaaliiqa Maganonke, ati Kaaliiqi callu ninkera Magano ikkoottota daga baala affanno gede xa Asoorootu anganni gatisinke» yaanni huucci'ri.

UMI DUDUWO 16:14

Kaaliiqi Maganonkeeti; isi baatto baalate halaale coyi'ranno.

IYYOOBI 10:3

Ane angakkinni kalaqoottoeha mishakkinna, cubbaataammu assitannore baxakki garahoni?

FAARSO 119:73

Kalaqoottoehunna seekkoottoehu ateeti; hajajokki roseemmo gede wodancha uyie.

FAARSO 149:2

Israeelete manna! Kalaqaanchi'nenni tashshi yoo'ne; Tsiyooni manna! Moote'nenni hagiidhe.

FAARSO 46:10

Fooliishshidhe; ani Magano ikkoommotano egenne! Dagate mereeronna baattote aana ayirreemmo.

FAARSO 78:52

Hakkunni gedensaanni, mannasi ge'reewu gede asse massage fushshino; halallitte gobbara albaanni hige haa're ha'rinonsa.

FAARSO 79:13

Ninke mannikki, qanchikki ge'reewi kayinni, hegere geeshsha galanteemmohe; galatakkino beettu beettira kulleemmo.

FAARSO 95:3

Kaaliiqi lowo Maganooti; maganna baalate aliidi mooteeti.

FULO 6:7

Umi'ya manna assi'reemmo'ne; anino Magano'ne ikkeemmo; Gibitsete borojjimma giddonni fushsheemmo'ne yannara, ani Kaaliiqi Magano'ne ikkoommota affinanni.

ROSIISAANCHO 12:1

Bushu barri dayikkinni, «Tashshi diyiinoe» yaatto diri iillikkinni anjekki yannanni Kalaqaanchokki qaagi.

ISAYAASI 63:11

Hakkunni gedensaanni albita Muse yanna qaaggu; saadansa ledo baaru giddoonni qole sayisinsahu hiikki? Qullaawa Ayyaanasi giddonsa wori Magani hiikki?

ISAYAASI 63:19

Ninke ati gashshoottonkekkirenna, ate su'minni woshshammeemmokkire ikkinummonkunni barru keeshshino.

ISAYAASI 64:7

Cubbinkenni kainohunni alba go'loottonkehuranna, facci assite aguroottonke daafira, su'makki ganannohunna, ate hasi'rannohu dino.

ERMIYAASI 10:10

Kaaliiqa, ati kayinni halaalanya Maganooti; ati heeshshote Maganooti; hegere Mooteeti. Ati hanqatto woyite kalqe baala huxidhanno; gobbate gashshaano ate hanqo uurrisa didandiitanno.

HIZIQEELI 34:11

Mootichu Kaaliiqi, «Ani umi'ya ge'reewo'ya hasi'reemmo; seekke allaa'leemmo.

YOHAANNISI 17:3

Hegere heeshshono, ati callu halaalaancho Magano ikkoottotanna soottoha Yesuusa Kiristoosa afate.

LAYINKI QORONTOOSI 4:6

«Tunsichoho caabbichu xawo» yiino Magani, Kiristoosi daninni xawannoha Maganu ayirrinye afate xawaabba aankera caabbichosi wodaninke giddo xawisino.

EFESOONI SOKKA 2:10

Maganu Kiristoosi Yesuusi widoonni qole xa hee'noommo gedeere asse kalaqinonkehu, balaxe qixxeessinoha dancha looso loonseemmo gedeeti.

MARRO 32:15

«Israeele duubbe maahoyye gibbino; manninatinsa kee'mino; sagaleno qawaaxxidhino. Kalaqinonsa Magano agurtino; wolqaataamo gatisaanchonsa mishshino.

MARRO 32:6

Ki'ne gowwootunna wodanchitinannikki gosa, Kaaliiqira qoltinanni galati konneeti? Isi kalaqino'neha anna'ne di"ikkino? Ki'ne gosa assino'nehu iso di"ikkino?

MARRO 4:35

«Kaaliiqi callu Magano ikkinotanna, isi ka'a wolu Magani nookkita affinanni gede ki'nera leellishino'ne.

MARRO 4:39

«Xaate kunni ka'a iima gordoho, uulla baattote Kaaliiqi Magano ikkinota affe. Isi callu Maganoho. Konneno wodani'nera wodhe.

MARRO 7:9

Kunnira, Magani'ne Kaaliiqi baxxannosiriranna hajajosi agadhitannorira gondoorosinna bagamannokki baxillesi kume ilama geeshsha agarannoha ikkinota habbinoonte. Isi ammanamino Maganooti.

UMI PHEEXIROOSI 2:25

Ki'ne baino ge'reewi gede ka'anna kawa raataabbinoonni; xa kayinni lubbo'ne allaalaanchiwanna agaraanchiwa higginoonni.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

UMI PHEEXIROOSI 4:19

Kunnira, Maganu hedo garinni qarra adhanno manni, dancha coye assitanni lubbonsa gudisse ammanamino Kalaqaanchira eeggo uyidho.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.