FAARSO 1:6 - Qullaawa Maxaafa

⁶ Kaaliiqi keeraanote doogo bade egenninona, bushuullu doogo kayinni baote haadhe hadhanno.

FAARSO 1:6 ပူးပေါင်းရင်းမြစ်များ

IYYOOBI 23:10

Ani ha'reemmo doogo egennino; fonqole la"annoe woyite, culku gede xalala ikkoommota afanno.

FAARSO 112:10

Bushuullu tenne affe aarantanno; iso busha illenni la'annosi; insa kayinni ba'anno; hexxonsano mullare ikkite gattanno.

FAARSO 142:3

Hexxo mudheemmo woyite ma"assa hasiissannoero afino; baarigaarra'ya ha'reemmo doogora woshshaado wortue.

FAARSO 142:4

Wirri yee laeemmo woyite go'leemmowa hoogummo; kaa'lannoehu mittu manchino dino; agarannoehunna towatannoehu dino.

FAARSO 146:9

Kaaliiqi gobbansanni xiiwante fultinore agaranno; gunnootanna buxo kaa'lanno; bushuullu kayinni ba'anno.

FAARSO 9:6

Baarigaarra hegerera ba'u. Katammansano diigitto; horo qaangannikkire ikkitu.

LAWISHSHA 14:12

Mannaho dancha labbannoti mitte doogo no; goofimarchoho kayinni reyote tugganno.

LAWISHSHA 15:9

Kaaliiqi cubbaataammu doogo giwanno; danchummate hoode ha'rannoha kayinni baxanno.

NAHOOMI 1:7

Kaaliiqi shaqqadoho, qarru yannarano mannisira dancha kaajjado maaxammanni dargaati. Isiwa eeggo e'annore baalanka agarannonsa.

MAATEWOOSI 7:13

Yesuusi lede, «Ruukkashsho waalcho higgine e'e! Baote widira massanno waalchi hala'ladoho. Doogono hala'ladote; hakkaanni higge e'annorino batinyeho.

YOHAANNISI 10:14

«Danchu allaalaanchi aneeti; ani ge'reewo'ya egennoommo; ge'reewi'yano ane egenninoe.

YOHAANNISI 10:27

Ge'reewi'ya huuro'ya macciishshanno; anino egennoommonsa; hoode'yano ha'ranno.

LAYINKI XIMOOTEWOOSI 2:19

Ikkollana, «Mootichu isire ikkitinore afino» qoleno, «Mootichu su'ma ganannohu baalu bunshetewiinni xooqo» yitannoti shashshafantannokkiti Maganu safo sigiigge heedhanno.

LAYINKI PHEEXIROOSI 2:12

Kuri kaphaano, buuxa dandiitannokki coye xontanno; insa woshshaadamatenna ba"ate kalaqantino; ayyaani galte heedhannonna heda dandiitannokki saada gedeereeti; insano reyitanno garinni ba'anno.

UMI SAAMUEELI 2:9

«Isi ammanantinosiri qaafo agaranno; bushuullu kayinni tunsote ba'anno; mannu umisi wolqanni qeelle diafi'ranno.