FAARSO 1:3 - Qullaawa Maxaafa

³ Isino lolahanno wayi gama kaasante, gumaseno yanna yannantenni uyitanni, darchiseno giggilikkinni heedhanno haqqicho gedeeha ikkanno; assi'rannori baalu qinaannosi.

FAARSO 1:3 ပူးပေါင်းရင်းမြစ်များ

KALAQAMA 39:23

Usuru mini roorrichino Yooseefi anga noore mittoreno dila"anno. Kaaliiqi ledosi noo daafira, assannori baalu qiniisi.

KALAQAMA 39:3

Mootichisino Kaaliiqi Yooseefi ledo nootanna assiri baalu qiniinosita afe

LAYINKI MOOTOOLLA 18:7

Kaaliiqino ledosi noo daafira assiri baalu qiniinosi. Asoori mooterano hajajama giwe badhe wodhi.

UMI DUDUWO 22:11

Qoleno, «Xaano beetto'ya, Kaaliiqi ledokki hee'ro! Coyi'rino garinni Maganikki Kaaliiqi mine minatto gede isinni qineessohe.

UMI DUDUWO 22:13

Kaaliiqi Muse widoonni qole Israeelete uyino seera baala wonshittoro, baalunkuri qinaannohe. Jawaati; muratoottoha ikki; waajjitooti; hexxo mudhitooti!

LAYINKI DUDUWO 31:21

Qullaawa Mine loosino looso baalanna Maganu seeranna hajajosi agadhatenni Maganisira wo'mu wodaninni soqqamino daafira assi'rinori qiniinosi.

LAYINKI DUDUWO 32:23

Lowo manni Kaaliiqira fushshaate, moote Hiziqiyaasira qole afansha haa're Yerusaalame dayi. Hatte yannanni kayise mannu baalu Hiziqiyaasi lowo geeshsha ayirrisisi.

IYYOOBI 14:9

wayi foole afi'ranni hee'renni, haaro ciiro fushshanno.

IYYOOBI 22:28

Hedoottori baalu qinaannohe; doogokki baalano xabbannohe.

FAARSO 128:2

Hasiisannohere baala loosidhe afi'ratto; hagiirraamonna qiniitaamo ikkatto.

FAARSO 129:8

Mulensaanni sa'annori baalu, «Kaaliiqi jajja'ne maassi'ro» yitoonkensa. «Ninke Kaaliiqi su'minni maassi'neemmo'ne» yaannohuno hee'roonkensa.

FAARSO 92:14

Geedhimmate yannara nafa guma laaltanno; wo'manka woyite lattenna kaajjite heedhanno.

FAARSO 92:15

Kuni coyino Kaaliiqi halaalaancho ikkinota, goli'ya bunshe afi'rinokkiha ikkinota leellishanno.

ISAYAASI 27:11

Haqqichote sinna mooltuhu gedensaanni hiiqqaqqante ubbanno; meentuno daye giirate adhanno. Wodancha nookki manna kalaqaanchu Magani dimararanno; horonta dimaarannonsa.

ISAYAASI 3:10

Keeraano dancha loosinsa laalcho ittanno daafira, «Baraadhinoonni» yiiyyensa.

ISAYAASI 44:4

Insano waa duubbino hayisso gedenna, daraame wayi gami haqqicho gede lattanno.

ISAYAASI 58:11

Wo'manka woyite ani albaanni ha'reemmo'ne; moollete gobbara kassi asseemmo'ne; gogi'nera fayyimmanna jawaante eemmo. Waa hayikkinsanni baattonna, moolte egentinokki buicho gedeere ikkitinanni.

ERMIYAASI 17:8

Isi wayi gama kaanseenna, rumushsho wayi widira diriirsidhino haqqicho gedeeho. Tini haqqicho wo'manka woyite latte heedhanno daafira, arrishshu yannarano diyaaddanno; xeenu nookki yannarano ruxxi yitukkinni laaltanno.

HIZIQEELI 17:8

Kayinnilla woyinete kaashshi umonni balaxe dancha gede late guma laala dandaannowa wayi nootera shaqqado baattora kaasame no.

HIZIQEELI 19:10

Amakki wayi buicho mule kaasantino haqqicho woyinennite gedeete. Ikkanno geeshshi waa afidhino daafira, woyinete haqqicho daronna gumma shembe yitu.

HIZIQEELI 31:5

Tini haqqicho dancha qolloonni waa afidhinohura, hojja wole haqqe baalatenni roore ikkitu; sinnaseno du'muullenna hojjaameeyye ikkitu.

HIZIQEELI 47:12

Lolahanno wayi qaccuwara guma intanni haqqe danu danunkunni no. Darono dimooltanno; laaltukkinni disa'anno. Qullaawu Mini hundinni lolahanno waa agganno daafira, aganu aganunkunni guma laaltanno. Tenne haqqe gumi sagale, daronsano mannaho xagicho ikkitanno» yiie.

KIIRO 24:6

Diramino saatte, wayi gami jajja, Kaaliiqi kaasino argiiyyenna wayi gama noo daguwa lawanno.

MAATEWOOSI 13:6

Arrishsho fultuta kayinni qoori; rumushsho afi'rinokki daafira mooli.

MAATEWOOSI 21:19

Mitte balasete haqqicho doogote gama afe shiqqi yee mari; ikkollana darote ka'a aanase mittoreno diafino. Kunnira, «Kunni ka'a ate aana gumu hee'roonke!» yii. Haqqichono hakkawoyintenni mooltu.

MAATEWOOSI 21:34

Laalo gamba assinanni yanna iillituta, beehachosi abbitannosi gede soqqamaanosi gutanyootunniwa soyi.

MAATEWOOSI 21:41

Insano, «Kuri bushuullunnita geedonsa hunanno. Woyinete Kaashshi dargano loossinoha yanna yannantenni uyitanno gutanyootira gutisanno» yitu.

YOHAANNISI 15:6

Anenni hee'rannokkihu, gobbara tunge agurreenna moolanno sini gedeeho. Hattoo sinna gamba assine giirate tungeenna giirantanno.

MARRO 28:8

«Kaaliiqi qaldi'neranna assidhinoonniri baalu aana atootesi soyanno'ne. Magani'ne Kaaliiqi aanno'ne baatto aana maassi'ranno'ne.

YIHUDA 1:12

Kuri ledo'ne jilaho ofolturo, saalimale ikkitonsanni ittinanni sagale lageessitanno. Insa umonsa calla baxxannoreeti. Bubbe haadhe hadhannoha xeenu nookki gomicho labbanno. Gumu nookkireeti; lame higge reyitinoreeti; rumushshunkunni arro buqqinsoonni haqqe gedeereeti.

YOHAANNIS AJUUJA 22:2

Kuni wayi katamunnita lowo doogo hige lolahanno. Waaho lamenka widoonni dirunni tonaa lame higge aganu aganunkunni laaltannoti heeshshote haqqicho no; haqqichote daro gosa hursitannote.