ERMIYAASI 7:3 - Qullaawa Maxaafa

³ Olantote Mootichi Kaaliiqi Israeelete Magani, tenne baattora hee'ra hasidhiniro, busha ha'rinsho'nenna looso'ne soorridhe.

ERMIYAASI 7:3 ပူးပေါင်းရင်းမြစ်များ

LAYINKI MOOTOOLLA 17:13

Kaaliiqino Israeelenna Yihuda qorophisiisate soqqamaanosi himanaano soye, «Busha doogo'nenni higge; soqqamaasine'ya himanaanote widoonni qole akaakka'neranna ki'nera oommo hajajonna Seera agadhe» yee coyi'rino.

IZIRA 10:11

Xa akaakka'ne Maganira Kaaliiqira cubbo'ne ifaaxxe; isi yiinotano ikke. Qooxeessi'nera noo daga giddonninna wole gosanni adhitinoonni meentiwiinni baxxe» yii.

LAWISHSHA 28:13

Cubbosi maaxannohu dilatanno; aagintaawannohunna agurannohu kayinni maaro afi'ranno.

ISAYAASI 55:7

Bushu manchi bunshete doogonni higo; xagaraamuno xagarrosi aguro. Maarosi bati'ra ikkitino daafira cubbosi agurannosina, Maganinke Kaaliiqiwa higo.

ERMIYAASI 17:25

Yoommo gede ikkitiniro, mootoolla Daawiti sirchinni fultanno. Ledonsa gashshaanono katamu waalchuwa widoonni higge sa'anno. Mootoollanna ledonsa gashshaano faradi gaarensanna faradonsa guluffeenna, Yihudunna Yerusaalamete manni dukkisannonsa. Yerusaalamete katamino wo'manka woyite mannu hee'rannoha ikkanno.

ERMIYAASI 18:11

«Kuneeti xa, qorichishammonsara busha coye abbanni noommota Yihudahonna Yerusaalamete hee'ranno mannira kulinsa. Cubbo agurtanno gede, hadhanni noo doogonninna loossanni noo bunshewiinni higganno gede coyi'rinsa.

ERMIYAASI 18:8

hatti gosa kayinni aagintaabbe bunshensawiinni higguro, hedoommoha busha coye agureemmo.

ERMIYAASI 26:13

Xaano, doogo'nenna looso'ne agurtine, Magani'ne Kaaliiqi yiino gede ikke. Hakkunni gedensaanni, Kaaliiqi hedino bao aana'ne diabbanno.

ERMIYAASI 35:15

Qoleno, ki'ne mittu mittunku busha doogo'nenni higgine dancha coye assitinanni gede, soqqamaano'ya himanaano marro marro hige soommo. Insano wole maganna hoode hadhine magansidhinannikki gede qorophisiissino'ne. Ki'neranna annuwa'nera oommo baattora heedhinanni gede kultino'ne. Ki'ne kayinni yoommo coye macciishshatenna haja assate dihasidhinoonni.

ERMIYAASI 35:16

Rekaabi beetti Iyonaadaabi sirchi anninsa hajajinonsa hajajo wonshitinona, ki'ne manni'ya kayinni anera dihajajantinoonnie.

ERMIYAASI 4:1

Kaaliiqi, «Ki'ne Israeelete manni higginanniro anewa higge. Ani giweemmore kaphu maganna huntine anera ammanantiniro,

ERMIYAASI 6:16

Kaaliiqi Israeelete mannira, «Lame doogo xaaddannowa uurritine la'e! Albitinna woyyitanno doogo hiittenneetiro xa'mitine affe! Affinihu gedensaanni, hattenne doogo higgine hadhe! Lubbo'nera fooliishsho afidhinannina» yiinsa. Mannu kayinni, «Tenne doogo hinge diha'neemmo» yii. Kaaliiqi,

YAIQOOBI 4:8

Maganunniwa shiqqi yiiyye; isino ki'newa shiqqi yaanno. Ki'ne cubbaataammu, anga'ne hayishshidhe! Ki'ne lame hedori, wodana'ne xaphi assidhe.