ERMIYAASI 43:3 - Qullaawa Maxaafa

³ Baabiloonootu gadadisse, shitannonke gede, woy hasidhuro qafadde haadhe hadhannonke gede kakkayisinohehu Neeriya beetti Baarookiiti» yitusi.

ERMIYAASI 43:3 ပူးပေါင်းရင်းမြစ်များ

FAARSO 109:4

Ani baxaa hee'reennansanni, insa daafira huuccanni hee'reennanni gibbue.

ERMIYAASI 32:12

Mahiseya beetti Neeriya ilinohura Baarookira oommo. Tenne borro oommohuno, Hanaamieeli hirate sheemaatira naqaashshe ikkitinorinna gudumaaleho ofolle noo manni baalunku albaanniiti.

ERMIYAASI 36:10

Mannu baalunku macciishshanna, Baarooki ani kulanna xaanxoonni gogira borreessino qaale nabbawi. Nabbawinohuno mootete mini borreessaanchi Saafaani beetti Gemaariya holgi widoonni hige saeeti. Kuni holgi noohuno Qullaawu Minira massannohu haaru huxxi waalchi mule aliidi nafari widoonniiti.

ERMIYAASI 36:26

Hakkunni gedensaanni, moote beettosi Yirahime"eeli, Azirieeli beetti Serayinna Abidieeli beetti Shelemiya ledo ane Ermiyaasinna borreessaancho'ya Baarooki amaddanno gede hajaji. Kaaliiqi kayinni affannonkekki gede assi.

ERMIYAASI 36:4

Ani Ermiyaasino Neeriya beetto Baarooki woshsheenna, Kaaliiqi coyi'rinoere baala ani kulanna xaanxoonni gogi aana borreessi.

ERMIYAASI 38:4

Hakkunni gedensaanni gashshaano mootenniwa marte, «Kunni coyinni katamaho noo olantora wolqa hunanni no. Katamu giddo noo mannano togo assanni no. Mannaho bao agurranna mittono dancha coye halchannokki daafira, kuni manchi reya hasiissannosi» yitu.

ERMIYAASI 43:6

Baabiloonootu roorrichi Nabuzardaani Gedaaliya anga wore ha'rinore Baarooki, anenna woloota qoleno mootete seenne, meentonna ooso haadhe hadhino.

LUQAASI 6:26

«Mannu baalu jaji'nero, ki'nera aanne'e. Annuwansano kaphu himanaano hatto jajjino» yiinsa.