ERMIYAASI 41:2 - Qullaawa Maxaafa

² Ismaeelinna ledosi noori tonnunku ka'e, Baabilooni moote shoominoha Gedaaliya bisetenni gante shitu.

ERMIYAASI 41:2 ပူးပေါင်းရင်းမြစ်များ

LAYINKI SAAMUEELI 3:27

Abeneeri galagale Kebirooni higita, Iyoaabi amaalete hasi'rinoha lawe huxxu waalchi widira qole haa're masse, rodiisi Asaheeli rabbara godowa qase shii.

LAYINKI MOOTOOLLA 25:25

Ikkollana kayinni hakko dironni lamalki aganira mootete fiixa ikkinohu Elishamai beetti Naataaniya ilinohu Ismaeeli 10 manna anga adhe Mitsipha mare Gedaaliya shii. Gedaaliya ledo noore Yihudunna Baabilooni mannano shee gudi.

FAARSO 109:5

Danchummate darga bunshe assitue; baxeemmonsa darga gibbue.

FAARSO 41:9

Lubbote jaali'ya hexxoommohu, ledo'ya hurbaate itinohu, anera badhe wodhinoe.

ERMIYAASI 40:14

«Amooni moote Bealiisi, ate shaanno gede Naataani beetto Ismaeeli soyinota diafootto?» yite xa'mitusi. Gedaaliya kayinni konne coye diammanino.

ERMIYAASI 40:16

Gedaaliya kayinni Yohanaani, «Ismaeeli beebballa bushiishoottona, konne coye isi aana assitooti» yiisi.

ERMIYAASI 40:5

Ani dawarummokkinni Nabuzardaani lede, «Baabilooni moote Yihudu katammara shoommohuwa Saafaani beetti beetti Akiqaami ilinohuwa Gedaaliyawa ha'ri. Isiwa marte hakkiicho mannikki ledo hee'ri; woy hasi'rittowa hadhe hee'ra dandaatto» yee, sinqenna afansha anga wore geegiissie.

ERMIYAASI 40:7

Qafadantukkinni gattino olantonna katamu gobbaanni hee'ranno manni baalu, Baabilooni moote Gedaaliya Yihudu gobbaranna qafadantukkinni gattino buxanera shoominota macciishshi.

ERMIYAASI 40:8

Kunnira, Naataaniya beetti Ismaeeli, Qaareha ooso Yohanaaninna Yoonaataani, Tanihumeeti beetti Seeraya, Nexofa yinanni gobba manchi Eefayi ooso, Maikichu Yaizaaniya manninsa baalunku ledo Gedaaliyawa Mitsipha daggu.

ERMIYAASI 41:3

Ismaeelino Gedaaliya ledo Mitsipha noo Yihudootanna hakkiicho noore Baabilooni olanto baala shee gudi.

YOHAANNISI 13:18

Konne coye coyi'roommohu ki'ne baalunku daafira di"ikkino. Ani doodhoommore egennoommo. Ikkirono, ‹Hurbaate'ya itinohu anera badhe wodhinoe› yaannohu Maganu qaali wo'ma hasiissanno.