ERMIYAASI 4:2 - Qullaawa Maxaafa

² ‹Heeshshote Magani halaaleeti› yitine halaalunni, taalotenninna sumbetenni xaartiniro, xaaro'ne garaho. Wole gosa baalantino galattannoe; maassi'reemmonsa gedeno huuccidhannoe» yaanno.

ERMIYAASI 4:2 ပူးပေါင်းရင်းမြစ်များ

KALAQAMA 22:18

Anera hajajamoottohura baattote aana noo manni baalunku sirchikkinni maassamanno» yiisi.

UMI MOOTOOLLA 3:6

Selemoonino, «Soqqamaanchikki anni'ya Daawiti ammanaminoha, halaalaanchonna taalo ikkino daafira, bagamannokkiha baxillekki leellishoottosi. Konne baxillekki techono leellishshe, isi darga amade gashshanno beetto oottosi.

FAARSO 72:17

Su'misi hegerera maassaminoha ikko; su'misi arrishsho heedhanno geeshsha hee'ro; baattote aani daga baala isinni maassanto; daga baala, «Isi maassammoho» yitanno.

FAARSO 99:4

Ati roore mooteeti; halaale baxatto; Israeelete mereero halaale worootto; taalonna halaalaancho yoo uurrisootto.

ISAYAASI 45:23

Umi'yanni xaare soorrantannokkita halaalu hexxo eemmo; kunnira guluchu baalu anera guluphanno; arrawu baaluno ane su'minni xaaranno.

ISAYAASI 45:25

Israeelete sircho ikkinohu baalu, ane Kaaliiqinni qeellenna ayirrinye afi'ranno» yii.

ISAYAASI 65:16

Maasso hasi'rannohu baalu, halaalaanchu Magani ani Kaaliiqi maassi'reemmosi gede huucci'ranno; xaarannohuno ane halaalaanchu Magani Kaaliiqi su'minni xaaranno. Saino qarri baalu hawamanno; ille'yannino go'lanno» yii.

ERMIYAASI 10:10

Kaaliiqa, ati kayinni halaalanya Maganooti; ati heeshshote Maganooti; hegere Mooteeti. Ati hanqatto woyite kalqe baala huxidhanno; gobbate gashshaano ate hanqo uurrisa didandiitanno.

ERMIYAASI 12:15

Tenne gosa buqqisummohu gedensaanni, galagale marareemmonsa; mitto mittonka iqqisiwanna gobbasiwa qoleemmo.

ERMIYAASI 12:16

Manni'ya Ba"aali magansi'ranno gede assitino. Ani halaalaancho Magano ikkoommota ammante, manni'ya magansidhanno gara kulannonsa gede hasidhuro, tini gosano manna'ya ikkite qawaaxxidhe heedhanno.

ERMIYAASI 16:19

Kaaliiqa, ati jawaante'yaatinna golo'yaati; ati qarru barra maaxameemmowaati. Gobba baalantenni gosa atewa shiqqe, «Akaakkankera kaphu maganna agurranna noonsari dino; misilla baalanti mittoreno dikaa'litannoreeti» yitanno.

ERMIYAASI 3:17

Hatte yannara, Yerusaalame, ‹Ayirrado Kaaliiqi barcimaati› yinanni. Mannu ane magansi'rara, gashshootu baalu giddonni hakkiira gamba yaanno; hakkunni gedensaanni hettisamaanchunna bushu wodanire di"ikkitinanni.

ERMIYAASI 33:9

Hatte yannara, Yerusaalamete mannira asseemmoha dancha coye baala macciishshitanno gosa albaanni hagiirsiissannoe; ayirrinyenna galatano uyitannoe. Baattote aana noo gosa baala Yerusaalamete mannira asseemmoha dancha coyenna eemmonsa jiro affe waajjite qece yite huxidhanno» yii.

ERMIYAASI 5:2

Ki'neno, ‹Heeshshote Magani Kaaliiqi halaaleeti› yitine, ane su'minni xaartinanni; xaartinoonni xaaro kayinni qoltine diigginanni.

ERMIYAASI 7:5

« ‹Ha'rinsho'nenna looso'ne soorridhe; mimmiti'nera taalo coye assitinanni heedhe.

ERMIYAASI 9:24

Ku'la hasi'rihu, ane egennasi, bagamannokki baxilliha ikka'yanna, halaalenna taalo yoo yeemmohu, ani Kaaliiqa ikkoommota buuxasi ku'lo; ane hagiirsiisanno coyi konneeti» yii.

HOOSEI 2:19

Israeele, ani ayiddaama'ya assi'reemmohe; halaalaanchonna ammanamoommoha ikkeemmohe. Bagamannokki baxillinni baxeemmohe; hegerera galte'ya assi'reemmohe.

IYUEELI 2:12

Kaaliiqi coyi'ranni, «Xa nafa co'o yiino wodaninni, ita aga agurtine, wi'litinanninna raartinanni anewa higge!

ZAKKAARIYAASI 8:8

Abbe Yerusaalamete heedhanno gede asseemmonsa; insa manna'ya ikkitanno; anino Maganonsa ikkeemmo; taalotenninna halaalunni Maganonsa ikkeemmo» yaanno.

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

UMI QORONTOOSI 1:31

«Adawadhannohu Magano adawadho!» yine borreessinoonnihu kunniraati.

LAYINKI QORONTOOSI 10:17

«Adawadhannohu Mooticha adawadho»

GALATIYU SOKKA 3:8

Maganu qaali, Maganu daga amma'nansanni keereensannota balaxe afino. Abirihaamirano, «Daga baala atewidoonni higge maassantanno» yee Dancha Duduwo balaxe kulino.

MARRO 10:20

Magano'ne Kaaliiqa ayirrisse; magansidhesi. Isi ledo ammanamatenni heedhe. Isi su'mi callunni xaarre.

MARRO 4:30

Qarrantinanni woyitenna kuni baalunku coyi iillanno'ne yannara, Magani'ne Kaaliiqiwa higgine hajajantinannisi.

MARRO 6:13

«Magano'ne Kaaliiqa ayirrisse; isi callaho soqqamme. Isi su'mi callunni xaarre.

FILIPHISIYUSI SOKKA 3:3

Magano Qullaawu Ayyaaninni magansi'neemmorenna, illete leellanno seerinni ikkikkinni Kiristoosa Yesuusa adawadhineemmore ikkinoommohura halaalunni barcimmoommori ninkeeti.

RUUTI 3:13

Sooda geeshsha agari; soodanno woyite hakku manchi raggete maahoyye yaannoronna hoogannoro xa'me afeemmona. Isi ragi'rannoheha ikkiro danchaho; giwannoha ikkiro kayinni, ani ragi'reemmohe gede Heeshshote Kaaliiqi su'minni xaareemmo. Xa kayinni sooda geeshsha goxi» yiise.

UMI SAAMUEELI 20:3

Daawiti kayinni, «Ati baxattoeta annikki seekke egennino. Kunnira, ati afittoro dadillatto daafira konne coye afattokki gede assino. Heeshshote Kaaliiqinna ate halaali afanna, reyammora mitte qaafolla gattino» yee xaari.