ERMIYAASI 3:2 - Qullaawa Maxaafa

² Hanni hakka gaaru widira qolte lai; kaphu magannakki ledo fooroottakki dargi nooni? Mulqi'rara dubboho maaxame agaranno addi-fuli gede, atino doogote gama ofolte ellase agadhitanno mancho gede bunshekkinninna ammanama hoogakkinni baatto batteessootta.

ERMIYAASI 3:2 ပူးပေါင်းရင်းမြစ်များ

KALAQAMA 38:14

Kunnira, Taamaari gunnimmate uddano soorridhe alba uddanotenni diphite Temina massitanno doogo gama Enayimi Katama e'nanniwa marte ofoltu. Hatto assitinohu Sheela adhate iille hee'reennanni Yihudi adhannota hasi'rinokkita affinohuraati.

UMI MOOTOOLLA 11:3

Selemooni 700 mootete ilama ikkino seennenna 300 irkote meento adhino. Insano Selemooni Kaaliiqiwiinni xeerti'ranno gede assino.

LAYINKI MOOTOOLLA 23:13

Yerusaalamete soojjaatoonni Battete Ilaalaati yinannihura wodiidoonni moote Selemooni seekkisiisinota tiyyi'nannita Sidoonootu magano Astaarooti, Moaabi magano Kamooshi, Amooni magano Molooki magansi'nanni gaarrano lageessino.

FAARSO 106:38

Hakkore mittoreno affinokkire beebbaataamma oosonsa shitu; baattono mundeetenni battaabbu.

LAWISHSHA 23:28

Mulqidhannori gede dugganno; lowo manna yawaawuloota assitanno.

LAWISHSHA 7:11

Ise bashshi assitannokkitenna saaliweelo manchooti; mine ofolla baxxannokki daafira, wo'ma woyite kawanna ka'a doyitanno.

ERMIYAASI 12:12

Moola noori nookki gaarra aaninni, huntannori dagganno. Qaccetenni qaccete geeshsha bagado soommo daafira, mittuno keere diafi'ranno.

ERMIYAASI 2:20

Kaaliiqi qole, «Ki'ne Israeele, kuneeti lowo yannanni kayissine, qambara'ne hiiqqidhine usura'neno tidhitinoonni; soqqamanna magansi'ra gibbinoonnie. Jajjabba ilaallaranna lowiddaanna haqqe hunda, wole maganna ledo foortinoonni.

ERMIYAASI 2:23

‹Umonke dibatteessinoommo; kaphu maganira Ba"aalira horonta dikumbuulloommo› yitine mayira morontinanni? Lagichaho cubbo loossine assitinoonni batte hanni la'e; labbaa gaala hasidhanni raataabbanno gaala gede, ki'neno wole maganna magansi'rate hatto ikkitinoonni.

ERMIYAASI 2:7

Laalchosenna wole atoote baala ittanno gede, danchanna shaqqado gobba haa're abboommonsa. Insa kayinni baatto'ya batteessitu; iqqa asse oommonsata baatto'ya huntu.

ERMIYAASI 3:1

Kaaliiqi, «Mittu manchi galtesi ha'riseenna, iseno hadhe woleho assidhuhu gedensaanni galagale galtesi assi'rara dandaannoni? Hatto assiro baatto batteessanno. Ati Israeele kayinni lowo ella ledo foorootta; xa kayinni galagalte ane Kaaliiqiwa higa hasi'rattani?

ERMIYAASI 3:13

Ki'ne sao'ne calla ammanne; ane Magani'ne Kaaliiqira haxawarra'nera, wole manni gobba maganna kaphunnite ledo, jajjabba haqqe hunda foora'neranna, hajajo'ya agadha hooga'nera aagintaabbe. Konne coye coyi'roommohu ani Kaaliiqaati.

ERMIYAASI 3:21

Ilaalu aana raare macciishshinanni; tini raareno Israeelete manni cubbo loosanni, ane Kaaliiqa Maganonsa agure hee're, xa kayinni gaabbe raaranni noo raareeti.

ERMIYAASI 3:9

Horonta disaalfattino; kinchonna haqqa magansidhanni baatto batteessitino.

ERMIYAASI 7:29

Kaaliiqi, «Ani Kaaliiqi hanqoommo; manna'yano giwoommo; umo'ne meexxitine dadille; gaarra baalate aana fultine kiirtine wi'le.

HIZIQEELI 16:16

Imaanikki aaninni gama haadhe magansi'ratta darguwa biifisi'ritta; hakkiichono foorrekki ledootta; umokki sayisse wolootaho ootta.

HIZIQEELI 20:28

Aammonsara xaaroommo baatto haa're abbummonsa yannara, seeddaanna gaarranna lattino haqqe la'ino; hakkuri aanano kakka'litino; fushshaate shiqishatenninna hixaana giiratenni hanqissinoe.

HOOSEI 2:5

Amansa foora ikkitino daafira, insa shollaataamu garinni godobbino. Konne coye assitinohuno, «Ella'yawa ha'reemma; insano sagalenna waa, ge'reewu ordanninna shaalado shalonni gannoonni imaana, ejersu zayitenna woyinete xajje uyitannoereeti» yitino daafiraati.

LUQAASI 16:23

Jeennaatu giddo hee're fooggalanni, ale hige la"anno woyite Abirihaaminna mulesi ofolle nooha Aliaazaari afi.

MARRO 12:2

Baattonsa aaninni shorritinanni daga seeddaanna ilaallara, gaarratenna lattino haqqe hunda magannansa magansidhanno darga baala co'o assitine hunne.