ERMIYAASI 2:3 - Qullaawa Maxaafa

³ Israeele ati anera umi laalchooti; ati anera baxxootta qeechaati. Kunni daafira ate gawajjate hasi'rannohu baalu aana, qarranna mitiimma dirrisoommo. Konne coye coyi'roommohu ani Kaaliiqaati» yii.

ERMIYAASI 2:3 ပူးပေါင်းရင်းမြစ်များ

FULO 22:29

Gidunniha, woyinennihanna ejersu zayite laalcho anera aa habbinoonte. Ooso'ne giddonnino bayira beetto anera uuyye"e.

FULO 23:16

Gide gamba assidhinanni yannara, umiha aatenni Gide Gamba Assi'rate Ayyaana ayirrisse. «Diru goofimarchira laalo gamba assidhinanni yannara, Daasu Ayyaana ayirrisse.

ISAYAASI 41:11

Ate aana ka'inori baalu irraabbanno; gawajjitahera heddannori baalu mulla darga ikkitanno.

ISAYAASI 47:6

Ani manni'yara hanqoommo; insa battete gede kiire, angakkira sayise oommo. Ati kayinni dimararoottansa; geerraho nafa ayirrino duha duhisiisootta.

ERMIYAASI 12:14

Kaaliiqi, «Manni'yara Israeelete oommo baatto huntinore busha Israeelete ollaa baala buqqise huneemmo. Yihudano insa giddonni fushshe hooleemmo.

ERMIYAASI 2:4

Ki'ne Yaiqoobi sirchi, Israeelete ilama baala, Kaaliiqi coyi'rannore baala macciishshe.

ERMIYAASI 30:16

«Guddanni noo'neri kayinni gooffanno; diinna'ne baala qafadantanno; mulqidhu'neri baalu mulqantanno; saantu'nere baala ani saameemo.

ERMIYAASI 50:7

Afihu baalu bala tuginonsa; diininsano, ‹Assitino cubbilla amadinonsana, ninke assinoommonsari dino. Halaalaanchu qanchinsara, akaakkansa hexxite heedhino Maganira, badhe wodhitino daafiraati› yaanno.

IYUEELI 1:3

Konne coye ooso'nera kulle; ooso'neno oosonsara kultona; ooso'ne oosono qolte dagganno ilamara kultona.

AMOOTSI 6:1

Israeelete manni ayirrisanno'nerinna huucci'ranno'neri, Tsiyooni qawaaxxaamminna, Samaariyaho waajjitinikkinni heedhinanniri, egennantinoonni gashshaano, ki'nera aanne'e!

IMBAAQOOMI 1:11

Hakkunni gedensaanni baalankare hombobolattete gede assite fiite adhite hadhanno. Kuri haxawarrooti wolqansa maganu gede assite kiirtanno» yii.

ZAKKAARIYAASI 1:15

Boonaleeyyete wole gobba dagara, lowo geeshsha hanqoommo; kaimuno, ani manna'ya shiima geeshsha calla qorichishate hede hee'reenna, insa kayinni quwa sayisse gawajjitinonsahuraati.

ZAKKAARIYAASI 2:8

Ki'ne kisannohu ille'ya diikkicho kisannoho yaate» yaanno. Olantote Mootichi Kaaliiqi mannasi mulqidhino dagara konne qaale coyi'reemmo gede ayirrinyesi leellishe soyinoe.

KIIRO 18:12

«Israeele umi laalcho assite anera shiqishshannore fila ejersu zayite, fila haaro woyinete xajjenna gide baala ki'nera oommo'ne.

ROOMU SOKKA 11:16

Liisamete giddonni umiti qullaawa ikkituro, hakkunni ka'itino qullaawate. Mitte haqqicho rumushshi qullaawa ikkiro, sinnano qullaawa ikkitanno.

ROOMU SOKKA 16:5

Minensa xaaddanno beetekiristaanera keere iillishshe"e. Issiyu gobbara Kiristoosa balaxe amma'ninohura baxeemmo manchira Aphenetusira keere iillishshe"e.

EFESOONI SOKKA 1:4

Albasiinni qullaawootanna arrasso nookkire ikkine hee'neemmo gede, kalqe kalaqantukkinni Kiristoosinni doorinonke. Baxillisinni kainohunni,

MARRO 14:2

Ki'ne Magani'ne Kaaliiqira qullaawa mannaati. Isira baxxitinoonni manna ikkitinara Kaaliiqi baattote aani gosa baalate giddonni doodhino'ne.

MARRO 26:19

Kalaqino gosa baalatenni roore ayirradda assanna'ne ki'neno galatanna ayirrinye su'misira uyitinanni. Uyino'ne hexxo garinnino ki'ne isi umisi manna ikkitinanni» yii.

MARRO 7:6

Ki'ne Israeele, Magani'ne Kaaliiqira qullaawa gosa ikkitinoonnihura, umisi woxe ikkitinanni gede baattote aana hee'ranno manni baalu giddonni ki'ne doodhino'ne.

YAIQOOBI 1:18

Maganu kalaqama baalaho umire ikkinammora isi umisi hedonni halaalu qaalinni ilinonke.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

YOHAANNIS AJUUJA 14:4

Meyate ledo foorte battaabbinokki daafira lago diafidhinoreeti. Insa Ge'rechu ha'rannowa baala hoodesi hadhanno. Maganohonna Ge'rechoho umi laalcho ikkite shiqqanno gede mannu giddonni wonde gatinsoonnireeti.