ERMIYAASI 17:3 - Qullaawa Maxaafa

³ Baatto baalate aana loossinoonni cubbi daafira, noo'ne jironna jajja'ne baala diini'ne adhe ha'ranno gede asseemmo.

ERMIYAASI 17:3 ပူးပေါင်းရင်းမြစ်များ

LAYINKI MOOTOOLLA 24:13

Qullaawa Minenna mootete mine noo jajja baala co'o asse Baabilooni adhe ha'ri. Alba asse Kaaliiqi coyi'rinonte gede, moote Selemooni Qullaawu Minira seekkisiisinoha culku uduunne baala hiiqqaqqi.

FAARSO 78:58

Gaaraho magansidhannowa hanqissinosi; seekkinoonni misillanni aarsitinosi.

ISAYAASI 27:9

Kunnira, Yaiqoobi ooso Israeele cubbinsara maaro afidhannohu, dagannita kakkalote kinna daakke bullee assite, hixaana giirranni uduunneno ikko Asheera mokkollo hoolturooti.

ERMIYAASI 12:12

Moola noori nookki gaarra aaninni, huntannori dagganno. Qaccetenni qaccete geeshsha bagado soommo daafira, mittuno keere diafi'ranno.

ERMIYAASI 15:13

Jajjansanna jironsa diinu co'o asse gudhanno; baattote aana loossino cubbi baalu daafira, kunni garinni qorichisheemmonsa.

ERMIYAASI 20:5

Kunni katami jironna duu'nino jajja baala, Yihudu mootoollaha ayirrado uduunnenna jajjansa baala diininsa Baabiloonira gudhanno gede asseemmo.

ERMIYAASI 21:13

Kunni lagichira iimaanni, kinnaame tullora noottohu ati Yerusaalamete katama! Ani ate aana noommo; ‹Ane ayi kisannoe?› yootto; ‹Qiisho'ya giddora ayi eanno?› yootto.

ERMIYAASI 26:18

«Morisheeti Katamihu Mikiyaasi Yihudu moote Hiziqiyaasi yannara himanaanchoho. Isino Yihudu manni baalunkura, Olantote Mootichi Kaaliiqi, ‹Tsiyooni loosi'nanni gati gede ikke hawuuramanno; Yerusaalameno diingoonni duuno gede ikkitanno; Qullaawu Mini noo gaarino dubbo ikkanno› yee coyi'rino.

ERMIYAASI QURTO 1:10

Diinu angasi diriirse, jajjase baala wolqatenni adhino; ati Kaaliiqi e'annokki gede hooloottoti maganiweelo gosa, Qullaawu Minira wolqatenni e'anna la'ino.

HIZIQEELI 16:39

Angansara sayise eemmohe daafira, kaphu maganna magansi'ratenna foorrete seekki'rootta darguwa baala diigganno. Imaanakkinna irrakki baala mulqite mullicho gatissannohe.

HIZIQEELI 23:46

Mootichu Kaaliiqi, «Hembeelsannonsahanna mulqi'rannonsaha hayyeessa macciishshannokki manna haadhe abbi!

HIZIQEELI 6:3

‹Israeelete ilaalla ane Maganu qaale macciishshe! Ani Mootichu Kaaliiqi coyi'reemmoha ilaalla, gaarra, boonnanna lagga baalu macciishshe! Alba hige, mannu kaphu magannara kumbuulanno darguwa baala diigeemmo.

LEEWAAWOOTA 26:30

Gaarunnita kumbuultinanni baseno diigeemmo; hixaana giidhitinanni uduunne huneemmo; reeshsha'neno hiiqqaqqantino maganna'ne aana tugeemmo; ki'neno tiyyi're giweemmo'ne.

MIKIYAASI 3:12

Kunnira, ki'nenni kainohunni Yerusaalamete Katami loosi'nanni darga ikke gatanno. Diigame duuno ikkanno. Qullaawu Mini minamino ilaalino dubbo ikkanno.

SOFFOONIYAASI 1:13

Jironsa baalanti saamantanno; minnansano diigantanno. Hattenne yannara mine mi'nitanno; ikkollana digaltanno. Woyineno kaasidhanno; kayinnilla woyinete xajje diagganno» yaanno.