EJJEETTO 9:57 - Qullaawa Maxaafa

⁵⁷ Maganuno Sekeemi manni bunshe uminsara qolino. Gedewooni beetti Iyoaataami rumo amaddinonsa.

EJJEETTO 9:57 ပူးပေါင်းရင်းမြစ်များ

LAYINKI SAAMUEELI 3:39

Kaaliiqi doore buurino moote ikkummorono, ani techo jawaata di"ikkoommo. Kuri Tseruya ooso anera wolqissinoe; assitino bunshera insa Kaaliiqi qorichishonsa» yii.

UMI MOOTOOLLA 16:34

Akiaabi yannara Beeteli ilaminohu Hieeli yinanni manchi Iyyaarko galagalche mini. Kaaliiqi Newe beetti Iyyaasu widoonni qole coyi'rino garinni Iyyaarkote gaata safi barra Aberooni yinannihu bayiru beettisi reyino. Huxxu waalchuwa seekki barra Seguubi yinannihu maa'nu beettisi reyino.

UMI MOOTOOLLA 2:32

Anni'ya Daawiti afikkinni beebbaataamo manna shiino daafira Kaaliiqi qorichishannosi. Iyoaabi isiwiinni woyyitannore beebbaataamma Israeelete olanto hajajannoha Abeneerinna Yihudu olanto hajajannoha Amaasa shiino.

FAARSO 7:17

Kaaliiqa, halaalaanchimmasi daafira, galateemmosi; Wo'munkura Aliidi Maganira galatunni faarseemmo.

FAARSO 94:23

Bunshensa daafira qorichishannonsa; cubbinsa daafira hunannonsa; Kaaliiqi Maganinke gudannonsa.

LAWISHSHA 5:22

Busha mancho assino cubbi amadannosi; umisi cubbi woshshaado ikkannosi.

ISAYAASI 3:11

Sao assitannori kayinni wolootu aana assitino sao daafira malinonsa qoricha adhitannona insara aanne'e!

IYYAASU 6:26

Hatte yannara Iyyaasu, «Iyyaarkote katama galagalche minannohu hee'riro, Kaaliiqi rumo isi aana ikkitanno. Iso minate gaata darannohu, bayira beettosi hooganno. Waalchuwasi seekkannohuno, maa'nu beettisira reyo abbi'ranno» yee qorophisiisi.

EJJEETTO 1:7

Hakkunni gedensaanni Adonibezeeqi, «Anguwansanna lekkuwansa qubbe murmurroonniri 70 mootoolla ani itanna giggilino giggilo xinqidhino. Xa kayinni, Maganu insa assoommo beebba anera qolinoe» yii. Insano haadhe Yerusaalame abbiteenna hakkiicho reyi.

EJJEETTO 10:1

Abemeleeki gedensaanni Yisaakoori ga'renni Doodo beetti Fuha ilinohu Tola Israeele gatisara kai. Isino gaaraamete Efireemi gobbara Saamiri yinanni qachira hee'ranno.

EJJEETTO 9:20

Hatto ikka hoogiro kayinni, giira Abemeleekiwiinni fulte ki'ne Sekeeminna Beetimiilo manna itto! Sekeeminna Beetimiilo manniwiinni fultino giirano Abemeleeki itto!» yii.

EJJEETTO 9:24

Maganu hatto assinohu, roduuwasi shiino daafira Abemeleeki qorichishatenna lamalaanka Gedewooni ooso shaanno gede kaa'litinosire Sekeemi manna assitino beebbara rabbisara yeeti.

EJJEETTO 9:45

Hakko barra Abemeleeki barra wo'ma olamanni hose katama angara qo'li. Manna gude, katamano hune, aanaho maxine finci.

EJJEETTO 9:56

Abemeleeki 70 roduuwasi shee annisi aana assino saora Maganu loosisita uyinosi.