EJJEETTO 9:28 - Qullaawa Maxaafa

²⁸ Abeedi beetti Geaali, «Gashshannonkehu Abemeleeki ayeti? Ninke Sekeemi manni hiittooreeti? Isi Gedewooni beetto di"ikkino? Zebuulino isi kaa'laancho di"ikkino? Hatteentenni Sekeemi anni Hamoori sirchira digashshammeemmo? Abemeleekira mayira gashshammeemmo?

EJJEETTO 9:28 ပူးပေါင်းရင်းမြစ်များ

KALAQAMA 33:19

Dukkana qasi'ranno uulla Sekeemi anni Hamoori oosowiinni 100 kinchu birrinni hidhi.

KALAQAMA 34:2

Gobbate gashshaanchi Hiwichu Hamoori beetti Sekeemi afe, wolqatenni amade macca hunise.

KALAQAMA 34:6

Sekeemi anni Hamoori konne coye Yaiqoobi ledo hasaawara dayi.

LAYINKI SAAMUEELI 20:1

Hakko Galgalaho mittu Saaba yinannihu yawaawulu manchi no. Annisi Bikiriiti; ilamasi Biiniyaami ga'reeti. Saaba, «Daawiti ledo noonkeri dino. Isseyi beetti ledo mayi xaadi noonke? Israeelete manni baalunku mini'nera higge!» yaanni buudu xurumba ufuufi.

UMI MOOTOOLLA 12:16

Israeelete manni baalu Roobiaami coyensa haa'ra giwinota afihu gedensaanni, «Daawitinna sirchisi ho'lonke! Insa ninkera ma"assite egentinonke? Israeele, qae qaekki higi! Roobiaamino woyyannosire ma'lo!» yee lallawi. Insano qae qaensa higgu.

EJJEETTO 9:26

Hatte yannara, Abeedi beetti Geaali roduuwisi ledo Sekeemi dayi. Sekeemi mannino iso hexxi.

EJJEETTO 9:41

Abemeleekino mare Arruma yinanniwa hee'ri. Zebuulino Geaalinna roduuwasi katamunni shorre fushshi.

UMI SAAMUEELI 25:10

Naabaalino Daawiti soyino mannira, «Isi afummona Daawiti ayeti? Isseyi beettino hiikkonneeti? Tenne yannara mootichinsawiinni fulte ba'ino borojji kiiro dihaammataho?