EJJEETTO 8:33 - Qullaawa Maxaafa

³³ Gedewooni ree lowo yanna keeshshikkinni Israeelootu Ba"aali magano magansi'ratenni Maganoho ammanantinokkire ikkitu. Ba"aali-Beriitino maganonsa assidhu.

EJJEETTO 8:33 ပူးပေါင်းရင်းမြစ်များ

LAYINKI MOOTOOLLA 12:2

Qeesichu Yoodahe lubbotenni hee're rosiisannasi noo yannara, Iyoaasi Kaaliiqi baxanno coye assanni hee'rino.

ERMIYAASI 23:27

Akaakkansa Ba"aali magansidhanni ane habbunte gede, haaqeensa mimmitoho kultanna manni'ya ane hawannoha lawannonsa.

ERMIYAASI 3:9

Horonta disaalfattino; kinchonna haqqa magansidhanni baatto batteessitino.

IYYAASU 24:31

Iyyaasu lubbotenni noo yanna baalantera, Israeelete manni Kaaliiqa magansi'rino. Isi reyihu gedensaanni Kaaliiqi Israeelete assino maalale baala illensanni la'ino albisooti noo yanna geeshsha iso calla magansidhanni heedhino.

EJJEETTO 10:6

Israeelootu xaano Kaaliiqi albaanni bunshe assitu. Beaalinna Astaarooti hattono Sooriyunnita, Sidoonata, Moaabita, Amoonitanna Filisxeemete maganna magansidhu. Xaano Israeele Kaaliiqiwiinni baxxitu; isono magansi'ra agurtu.

EJJEETTO 2:12

Gibitsete gobbanni fushshinonsaha akaakkansa Magano Kaaliiqa agurtu. Qooxeessinsara heedhanno gosa maganna hoode hadhe magansidhanni Kaaliiqa hanqissu.

EJJEETTO 2:17

Israeele kayinni, albisootinsara dihajajantino. Kaaliiqira ammanama gibbe wole maganna magansidhino. Annuwansa Kaaliiqira hajajantu gara agurte, hakkawoyintenni doogote aaninni wirri yitino.

EJJEETTO 2:19

Albisu reyihu gedensaanni kayinni, mannu wole maganna magansi'ratenninna insara soqqamatenni annuwansanni roore bushino. Bunshe loosanna qoxxisama diagurino.

EJJEETTO 3:7

Israeelootu Kaaliiqi albaanni bunshe assitu. Kaaliiqa Maganonsano habbe, Ba"aalitanna Astaarooti maganna magansidhu.

EJJEETTO 8:27

Gedewooni culkunni misile seekke, ilamino katamira Ofira wori. Israeele baalanti tenne misile magansi'ratenni Maganoho ammanama hoogginohura, misile Gedewooniranna maatesira woshshaado ikkitu.

EJJEETTO 8:32

Iyoaasi beetti Gedewooni diro furme reyino. Abieezerootu baattora Ofira annisi Iyoaasi waammara madaarroonnisi.

EJJEETTO 9:27

Gatinni woyinensa xinqidhe huuncituhu gedensaanni, maganinsa mine hagiirru ayyaana ayirrissu. Hakkiicho ittanninna agganni Abemeleeki xontu.

EJJEETTO 9:4

Insano Ba"aali-Beriiti mininni 70 kinchu birra uyitusi. Abemeleekino hakko birranni yawaawulootanna haqaqqaaltannore hidhe wodhi; insano hoodesi hadhu.

EJJEETTO 9:46

Sekeemi huxxi kinchunnihu giddo heedhannori konne coye macciishshitanni heedhenni, Ba"aali-Beriiti galmira noo qiisho giddora e'u.