EJJEETTO 8:26 - Qullaawa Maxaafa

²⁶ Wole irra, goowu irrano rarraasaanchu ledo, Midiyaami mootoolla uddidhannoha xiillicha imaana woy gaalinsa aana noo irra agurranna, Gedewoonira uyitinohu culku butichi 20 kiilo ikkino.

EJJEETTO 8:26 ပူးပေါင်းရင်းမြစ်များ

ASTEERI 8:15

Merdookiyoosi kuulaamenna waajjo mootete mini uddano uddi're, xiillicha kaabba aanaho ga'ne, xuma culku ba'latto umoho wodhe mootete mininni fuli. Mannuno hagiirrunninna ililleettetenni Suusa Katama milli assi.

LAWISHSHA 31:22

Ma'nate aana karrannire angasenni seekkitanno; iseno duume haarrenni gannoonniha xuma imaana uddidhanno.

ISAYAASI 3:18

Hatte yannara, Mootichu Yerusaalamete meenti irra: Lekkate gume, umoho usudhannore, goowinsa irra, maccansa buticha, maxaabirrensa, albaho usudhannore, dasaho wodhanno gume, halloho usudhanno qu'ne, su'naru gujuujje, kulote wodhino quraama, qubbennitanna sanote cuuensa, ayyaanu yannara uddi'rannoha maareekote imaana, aanaanni uddi'rannorenna kaabbansa, angate ogoro, hincilaallonsa, waajjo shaalado shalonni gannoonniha giddoyidi imaanansa, umo guggu'lannorenna alba diphannore baala haa're hoolanno.

ERMIYAASI 10:9

Misillansa, Terseesinni dayino birrinni seekkinoonni; Ufaazinni dayino culka, aanaho xallinoonnireeti; hayyoole seekkite biifissino; ogeeyye gantinota bulenna duume uddano uddisiinsannireeti.

HIZIQEELI 27:7

Markaawekki sharino, Gibitsetenni abbinoonnihunni danchu shaaladu hoccinni seekkinoonniho. Isino bandiru gede fafowa hee'neenna leellanno; qasi'rootto caalino, Qophiroosi giddichonni abbinoonnihunni, bulunna xiillichu hocci biifinohunni seekkinoonniho.

LUQAASI 16:19

Yesuusi qole, «Duume xiillittenna waajjo shaalado uddano uddi'rannohu mittu dureessu manchi no. Isi wo'manka woyite qineennasi qawaaxxi're hee'ranno.

YOHAANNISI 19:2

Olantono utu worraaqqa seekkite Yesuusira umoho wortu. Duume uddanono uddisiissusi.

YOHAANNISI 19:5

Yesuusira utu worraaqqa umoho worte duume uddano uddisiisseenna gobbara fulita Philaaxoosi, «Manchu kuneeti» yiinsa.

YOHAANNIS AJUUJA 17:4

Hatti mancho duumenna duume xiillitte uddano uddidhe no; culka, dilqa kinchonna baaru giddonni haa'nanni dilqa irridhinote. Battenna foorrese xidho giddo wo'mitinoha culku finiincho anga haadhe no.

YOHAANNIS AJUUJA 18:12

Markaawensara hogophitino culka, birra, ayirrado dilqa, baaru giddonni afi'nanni dilqa, shaalado uddano, duume xiillitte uddano, haarrete uddano, duume uddano, su'niitanno haqqe baala, daaniichu hinkonninna ayirrado haqqenni seekkinoonni uduunne, camo, siwiilanna calallaqa kincho,

YOHAANNIS AJUUJA 18:16

«Shaalado, duumenna duume xiillitte uddidhinota, culka, dilqa kinchonna baaru giddonni afi'nanni dilqa irridhinota, bati'ra Baabilooni aanne'e! Aanne'e!

EJJEETTO 8:21

Zaabiheelinna Silmana, «Labbaaha labbaahulla shaannona, ati umikki shiinke» yitusi. Gedewoonino kae insa shee, gaalinsa goowira noo irrano adhi.

EJJEETTO 8:25

Insano dawarte, «Hagiidhinanni uyineemmohe» yitusi. Hakkawoyintenni imaana karte, abbidhinoha maccate buticha aanaho tuttuggu.

EJJEETTO 8:27

Gedewooni culkunni misile seekke, ilamino katamira Ofira wori. Israeele baalanti tenne misile magansi'ratenni Maganoho ammanama hoogginohura, misile Gedewooniranna maatesira woshshaado ikkitu.