EJJEETTO 8:1 - Qullaawa Maxaafa

¹ Hatte yannara Efireemi manni, «Midiyaamoota qasattora ha'ritto woyite mayira woshsha giwittonke? Konne coye mayira assitto?» yee Gedewooni lowo geeshsha abbooshshi'ri.

EJJEETTO 8:1 ပူးပေါင်းရင်းမြစ်များ

LAYINKI SAAMUEELI 19:41

Hakkawoyintenni Israeelete manni baalunku moote noowa kae daye, «Moote, roduuwinke Yihudu manni ate, maatekkinna ledokki noo manna Yordaanoosi fushshi woyite mayira maaxinke?» yitu.

LAYINKI SAAMUEELI 19:42

Yihudu manni daware, «Hatto assinoommohu moote ninkera gamba yiinoha ikkino daafiraatillana mayira hanqitinanni? Isi ninkera sagale di"itisinonke; uyinonkerino dino» yii.

IYYOOBI 5:2

Hawanya mancho hanqisi shaannosi; shota mancho dhiibbesi huntannosi.

LAWISHSHA 15:1

Shaqqadu arrawi hanqo qiissanno; kaajjadu qaali kayinni hanqo kakkayisanno.

ROSIISAANCHO 4:4

Qoleno mannu halchinore afi'rate daafure loosanno gara baala laoommo; mannu hatto ikkannohu olliichosi hinaasino daafiraati. Kunino haafaho; diilallo cu'mate gedeeti.

HOOSEI 13:1

Efireemi ga're Israeelete mannira aliidita ikkite noo waro, coyidhanna macciishshituri baalu huxidhanno. Gedensaanni kayinni Ba"aalira kumbuulatenni cubbo loossino daafira gooffino.

EJJEETTO 8:2

Gedewooni kayinni, «Ani assoommohunni ki'ne assitinoonnihu dirooranno? Ninke gamba assinoommo jajjinni ki'ne qarme xinqitinoonnihu dirooranno?