EJJEETTO 7:7 - Qullaawa Maxaafa

⁷ Kaaliiqi Gedewoonira, «Waa angatenni adhitanni agguri 300 widoonni qole Midiyaamoota qeeltinanni gede asse gatiseemmo'nena, woloota kayinni daggino dagginowa hadhanno gede kulinsa» yii.

EJJEETTO 7:7 ပူးပေါင်းရင်းမြစ်များ

EJJEETTO 7:6

300 waa angansanni adhitanni aggu. Wolootu kayinni guluphite aggu.

EJJEETTO 7:8

Gedewoonino sasenka xibbe gatise gattino Israeelooti baalunku, qae qaensa higganno gede assi. Gatturino badhera higginori sinqenna xurumba adhitu. Hatte yannara Midiyaamootu insara eelaanni lagaho no.

UMI SAAMUEELI 14:6

Yoonaataani bagadosi duhino wedellichira, «Kaaliiqi kaa'lannonkeha ikkannona, amo tenne maganiweelo gosa widoonni hinge sa'nona. Isilla assara hasi'rinoha ikkiro, lowohunnino shiimunnino gatisara dandaanno» yiisi.

UMI SAAMUEELI 23:4

Daawiti galagale Kaaliiqa xa'mi. Kaaliiqino, «Filisxeeme angakkira sayise eemmohena Qeila dirri» yiisi.