EJJEETTO 7:4 - Qullaawa Maxaafa

⁴ Kaaliiqi Gedewooni, «Xaano mannu bati're noona, wayi laga haadhe massi. Hakkiichono ha'rannohanna gatannoha bade kuleemmohe. Ani, ‹Ha'rona› yeemmo geeshshi ledokki ha'ranno. ‹Ha'roonke› yeemmo geeshshi kayinni ledokki diha'ranno» yiisi.

EJJEETTO 7:4 ပူးပေါင်းရင်းမြစ်များ

KALAQAMA 22:1

Hakkunni gedensaanni, Maganu Abirihaami jife laisi. Qoleno, «Abirihaami!» yee woshshisi; isino, «Mooticha'ya macciishsheemmona coyi'ri» yee dawari.

IYYOOBI 23:10

Ani ha'reemmo doogo egennino; fonqole la"annoe woyite, culku gede xalala ikkoommota afanno.

FAARSO 33:16

Moote olantote batinyinni diinasi diqeelanno; wolqaataamuno wolqasi batinyinni qeelle diafi'ranno.

FAARSO 66:10

Magano! Giiratenni daashshinanni birri gede, ninkeno fonqolte laoottonke.

FAARSO 7:9

Mulenna mudukko afattohu halaalaanchu Magani, cubbaataammu bunshe huni; keeraanote kayinni ba'raasinsa.

EJJEETTO 7:5

Kunnira Gedewooni manna haa're wayi laga dirrisi. Hakkiichono Kaaliiqi, «Waa woshichu gede laccanni aggannore, guluphite aggannoriwiinni badi» yiisi.

UMI SAAMUEELI 14:6

Yoonaataani bagadosi duhino wedellichira, «Kaaliiqi kaa'lannonkeha ikkannona, amo tenne maganiweelo gosa widoonni hinge sa'nona. Isilla assara hasi'rinoha ikkiro, lowohunnino shiimunnino gatisara dandaanno» yiisi.

UMI SAAMUEELI 16:7

Kaaliiqi kayinni Saamueeli, «Ani iso dihasi'roommona, danasinna uurrinshasi la'ooti. Ani mannu la"anno garinni dilaeemmo; mannu aaniido la"anno; ani kayinni wodana laeemmo» yiisi.