EJJEETTO 7:2 - Qullaawa Maxaafa

² Kaaliiqi Gedewoonira, «Midiyaamoota anga'nera sayise aate ledokki noo manni lowo geeshsha bati'rino. Israeele uminsa wolqanni gattinoha laweennansa boo'nite anera ayirrinye ho'litannoena,

EJJEETTO 7:2 ပူးပေါင်းရင်းမြစ်များ

KALAQAMA 46:2

Maganu hashsha ajuujatenni, «Yaiqoobi! Yaiqoobi!» yee woshshisi. Isino, «Mooticha'ya macciishsheemmona coyi'ri» yii.

LAYINKI DUDUWO 14:11

Hatte yannara Aasa Maganosi Kaaliiqa, «Kaaliiqa'ya! Wolqa hoogginore wolqaataammuwiinni gatisannohu ate gedeehu dino. Maganonke Kaaliiqa! Ninke kune ate hexxine su'makki addaxxine tenne wolqaataame olanto ledo gaarammammora dangoommona kaa'linke. Kaaliiqa! Ati Maganonkeeti. Qeelannohehu mittuno dino» yaanni huucci'ri.

ISAYAASI 10:13

Asoori moote lede boollaqi'ranni, «Konne baala assoommohu aneeti; ani jawaataho; egennaamoho; busuleho. Wole gosa danna diigoommo; duu'nitinota jironsa baala adhoommo. Hatte gobbara heedhannore baala bareende'yanni shollishoommo.

ISAYAASI 2:11

Haxawarrootu ille baatto la'annohunna boonaleeyye umo heeshshi yitanno barri daanno; hatte yannara Kaaliiqi callu ayirranno.

ISAYAASI 2:17

Haxawarrootu baatto la'anno; boonaleeyye umo heeshshi yitanno; Kaaliiqi callu ayirranno.

ERMIYAASI 9:23

Kaaliiqi, «Egennaamu egennosi, wolqaataamu wolqasi, dureessuno durummasi ku'loonke.

HIZIQEELI 28:17

Danikki xummenni kainohunni naaxxootto; maccaha ikkakki gowwa assitinohe. Kunninni kainohunni woro qole wigidiidoommohe; wole mootoollano atenni jiiltanno gede assoommo.

HIZIQEELI 28:2

«Koo manchi beetto, ani Mootichu Kaaliiqi yeemmore Xiroosi mootera, ‹Wodanikki boo'natenni duu'raminohura, atenee maganu gede assite kiirootto; maganu gede baarunni qoqqowaminohura ayirradu barcimira ofolloottota coyi'rootto. Atenee maganu gede assite kiirittorono, ati manchoho ikkinnina horonta magano di"ikkootto.

DAANIEELI 4:30

‹Kuni jawu Baabilooni Katami hee'rammora, jawimma'yanna ayirrinye'ya leellishate wolqa'yanni minsiisi'roommoha di"ikkino?› yoommo.

IMBAAQOOMI 1:16

Qawaaxxidhe heedhanno gede kaa'lannonsare baala abbitannonsa daafira woshshaadonsara kakkalo shiqishshanno.

ZAKKAARIYAASI 12:7

«Ani Kaaliiqi balaxe Yihudu olantora qeelle eemmonsa; kunni garinni Daawiti sirchinna Yerusaalamete manni afi'rino ayirrinyi, Yihudu manni afi'rino ayirrinyinni dirooranno.

ZAKKAARIYAASI 4:6

Hakkunni gedensaanni sokkaasinchu, «Tini Kaaliiqi Zerubaabeelira soyino sokkaati: Olantote Mootichi Kaaliiqi, ‹Qinaannohehu, Ayyaani'yanniiti ikkinnina, wolqakkinninna jawaantekkinni di"ikkino› yaanno.

KIIRO 31:4

Mitte mittente Israeelete ga're giddonni mitto mitto kume manna olaho sokke» yiinsa.

ROOMU SOKKA 11:18

Kunnira, ki'ne daga, murantino sinna qacifattinoonte. Hatto ikkitinanniha ikkiro, duhanno'nehu rumushshoho ikkinnina, dukkinanniri ki'ne ikkitinoonnikkita affe.

ROOMU SOKKA 3:27

Xa adawadhineemmo coyi noonkeni? Mitturino dinonke. Adawadhineemmokkihu mayiraati? Adawadhineemmokkihu, Seera agadhatenni ikkikkinni amma'natenni keeraamboommo daafiraati.

LAYINKI QORONTOOSI 4:7

Tini jawa wolqa Maganunnite ikkinnina ninketa ikkitinokkita leellishate, kuni miinji doru uduunnichi giddo no.

EFESOONI SOKKA 2:9

Loosunni afi'nannita di"ikkitinona, ayino naaxxoonke.

MARRO 32:27

Kayinnilla, diinnansa togo assinoommori ninkeeti ikkinnina, Kaaliiqa di"ikkino yite naaxxitara hasi'reemmokki daafira aguroommo› yiino.

MARRO 8:17

Miteekkitine wodani'nenni, ‹Tenne jiro afi'noommohu wolqankenniitinna jawaantenkenniiti› yitine heddinoonte.

MARRO 8:18

Hatteentenni techo la'ininte gede jiro afidhinanni gede wolqa uyino'nehu, annuwa'nera xaarino gondoori wo'manno gede assinohu iso ikkinohura, Magano'ne Kaaliiqa qaagge.

YAIQOOBI 4:6

Ikkirono Qullaawu Maxaafi, «Maganu boonaleeyye giwanno; jooguulleho kayinni eltosi aanno» yaanno daafira, Maganu aanno elto baalunkurinni roortanno.

UMI SAAMUEELI 14:6

Yoonaataani bagadosi duhino wedellichira, «Kaaliiqi kaa'lannonkeha ikkannona, amo tenne maganiweelo gosa widoonni hinge sa'nona. Isilla assara hasi'rinoha ikkiro, lowohunnino shiimunnino gatisara dandaanno» yiisi.