EJJEETTO 7:12 - Qullaawa Maxaafa

¹² Kanchafaru gede kiiro batidhino Midiyaamooti, Amaaleqootinna wolootu soojjaati manni lagaho kunseente no. Gaalinsa batinyino baaru gami shaafi gede kiiro dianfoonniho.

EJJEETTO 7:12 ပူးပေါင်းရင်းမြစ်များ

UMI MOOTOOLLA 20:27

Israeeleno lassante sinqenna bagado adhite olaho qixxaabbu. Insano 2 gaamo ikkite Sooriyootaho albaanni marte kunseentu. Israeelete olanto baatto wo'mitinotenni Sooriyu olanto ledo taashshinanni woyite, lamewa beenkoonnita shiima meu hoshsha labbanno.

UMI MOOTOOLLA 4:30

Selemoonira Soojjaati gosatanna Gibitsete hayyooleta roortino hayyo noosi.

FAARSO 3:1

Kaaliiqa, baarigaarra'ya hiitto batidhu! Ane aana ka'annori batinyeho.

FAARSO 33:16

Moote olantote batinyinni diinasi diqeelanno; wolqaataamuno wolqasi batinyinni qeelle diafi'ranno.

ERMIYAASI 46:23

Diininsa kiirre dandiinannikkiha, kanchafaru gede bati'rinoha ikkino daafira, ulma dubbo ikkiturono, dolte shakki assitannonsa. Konne coye coyi'roommohu ani Kaaliiqaati.

IYYAASU 11:4

Insano, gaaddonsa ledo daggino daafira, olanto baaru shaafi gede kiirre dandiinannikkita ikkitu. Kunni baalu ledo lowo faradinna faradi gaare noonsa.

EJJEETTO 6:3

Israeele wixa wixidhanno yanna baalate Midiyaamootu, Amaaleqootunna wolootu soojjaati gosa dagge gobba horritu.

EJJEETTO 6:33

Hatte yannara Midiyaamootu baalu, Amaaleqootunna wolootu soojjaati manni mitteenni gamba yite Yordaanoosi Waa fulte Iyiziraeeli lagira kunseentu.

EJJEETTO 6:5

Saaddansanna dukkannansa adhite dagganno woyite, kanchafarimma batidhinoreeti. Manninsanna gaalinsa kiirre didandiinanniho. Insano baatto mulqitara dagginoreeti.

EJJEETTO 7:13

Mittu manchi haaqii'rino haaqee jaalisira kulanni hee'reenna Gedewooni hakkiira mare iilli. Hakku manchino, «Haaqeete mittu hayixu qeeqqali gongo'manni Midiyaamootu qacha dirre, dukkanano jaddeesse ganeenna galchame diigamanna afoommo?» yaanni kulisi.

EJJEETTO 8:10

Hatte yannara Zaabiheelinna Silmana 15,000 ikkitanno olantonsa ledo Qeriqeri yinanni darga no. Kuri soojjaatinni fultino gosa giddonni 120,000 manni goofeenna gattinoreeti.

UMI SAAMUEELI 13:5

Filisxeemootu 3,000 gaarete farado, 6,000 faradi gaare gantannorenna baaru shaafi gede batidhino olanto adhite Israeele qassara xaaddu. Fulte Beetiaweenira soojjaatoonni Mikimaasi yinanniwa kunseentu.

UMI SAAMUEELI 30:17

Daawitino, hatte hawarronni kayise layinki hawarro geeshsha diinasi qasi. Gaala guluffe xooqqinore 400 wedella agurranna, mittu nafa gatikkinni gudi.