EJJEETTO 6:6 - Qullaawa Maxaafa

⁶ Midiyaamootu Israeele qarru giddo tugginonsahura, kaa'lannonsa gede Kaaliiqiwa raartu.

EJJEETTO 6:6 ပူးပေါင်းရင်းမြစ်များ

FAARSO 50:15

Qarru barra woshshidhe"e; anino gatiseemmo'ne; ki'neno ayirrissinannie.

FAARSO 78:34

Insa giddonni gama shiita, gattinori isiwa higgino; aagintaabbanni iso huuccidhanno.

ISAYAASI 26:16

Kaaliiqa, qarrantu yannara atewa daggino; seejjittonsa waro hashaashshe huuccidhino.

ERMIYAASI 5:17

Gide'nenna sagale'ne mucuqqi assite ittanno; ooso'nenna seenne'neno shitanno. Saada'ne, ge'reewo'nenna me"e'ne itte guddanno; woyinete laalo'nenna haqqu laalo'ne baala ittanno; olantonsano hexxitinannita, qiishidhinoonni katamma guddanno» yiinsa.

HOOSEI 5:15

«Loossino sao egente anewa higga geeshsha insawiinni horonta fafe ha'reemmo. Assitino saonni qarru bati'rinsaro, miteekkite hasidhannoeha ikkanno» yii.

MILKIYAASI 1:4

Eesawu sircho ikkitinori Edoomootu, «Katammanke diigantino. Ikkirono galagalchine mi'nineemmo» yituro, Olantote Mootichi Kaaliiqi, «Insa mintanno. Ani kayinni diigeemmo. Wolu manni insa, ‹Busha gobbaati; Kaaliiqi hegere geeshsha hanqino gosaati› yaannonsa» yii.

MARRO 28:43

«Baatto'nera heedhannori wole gobba manni wolqaataamma ikkitanno. Ki'ne wolqa kayinni barru barrunkunni ajjanno.

EJJEETTO 10:10

Kunnira Israeele, «Ate Maganonke agurre Ba"aali maganna magansi'rankenni ate aana sao assinoommo» yite Kaaliiqiwa higge woxarattu.

EJJEETTO 3:15

Israeele xaano Kaaliiqiwa higge raartu. Kaaliiqino Biiniyaamicha guracho Geraani beetto Naoodi gaarame fushshannonsa gede kayisi. Israeele Naoodira giwire anga worte Moaabi mootewa Egilooniwa sokku.

EJJEETTO 3:9

Israeele Kaaliiqiwa raartu yannara kayinni, hakkiichinni fushshannonsa gede, Kaaleebihu maa'nu rodii Qeneezi ilinoha Gotooniyaali kayisinsa.

EJJEETTO 4:3

Isirano 900 siwiilu faradi gaare noosi daafira, Israeele 20 diro kade gashshino. Insano kaa'lannonsa gede Kaaliiqiwa raartu.

EJJEETTO 6:7

Midiyaamete gawajjonni kainohunni Israeele Kaaliiqiwa higge raartu yannara,