EJJEETTO 6:5 - Qullaawa Maxaafa

⁵ Saaddansanna dukkannansa adhite dagganno woyite, kanchafarimma batidhinoreeti. Manninsanna gaalinsa kiirre didandiinanniho. Insano baatto mulqitara dagginoreeti.

EJJEETTO 6:5 ပူးပေါင်းရင်းမြစ်များ

FAARSO ROORE FAARSO 1:5

Ki'ne Yerusaalamete seenni macciishshe! Ani kolishshote; ikkollana kayinni xumate. Ane kolishshimma Qeedaari dukkana labbanno; xumme'ya Selemooni gashshooti mini dukko gedeete.

ISAYAASI 13:20

Hegere hegerera mannu hee'rannokkiwa ikkanno. Arabete mannino hakkiicho dukkana diqasi'ranno; allaalaasineno saada dihosiisidhanno.

ISAYAASI 60:6

Midiyaaminninna Efa yinanniwiinni dagganno gaalaasine baatto'ne wo'mitanno. Culkanna hixaana haadhe Saabanni dagginori baalu, Kaaliiqi galata lallabbe kultanno.

ERMIYAASI 46:23

Diininsa kiirre dandiinannikkiha, kanchafaru gede bati'rinoha ikkino daafira, ulma dubbo ikkiturono, dolte shakki assitannonsa. Konne coye coyi'roommohu ani Kaaliiqaati.

ERMIYAASI 49:29

Dukkannansanna saadansa baala adhe; dukkonsanna uduunnensa baala adhe; gaallansano adhitine, ‹Kune mogga gaangeessite noo'ne› yitine kullensa.

ERMIYAASI 49:32

‹Gaallansanna saadansa adhe; umo qooxidhannore baala billaalliseemmo; ragu baalunkunni qarra abbeemmonsa› yee kuloommosi.

ERMIYAASI 51:14

Ani Olantote Mootichi Kaaliiqi, «Kanchafaru gede kiiro batidhino olanto soyemmo. Hatti olantono ate qeelte qeexaa'litanno» yee su'mi'yanni xaaroommo.

MARRO 28:33

Baatto'ne laalchonna daafuro'ne baalanka affinoonnikki gosa ittanno. Mararro nookkiha gadadantine heedhinannita ikkinnina lexxitinanniri dihee'ranno.

EJJEETTO 7:12

Kanchafaru gede kiiro batidhino Midiyaamooti, Amaaleqootinna wolootu soojjaati manni lagaho kunseente no. Gaalinsa batinyino baaru gami shaafi gede kiiro dianfoonniho.

EJJEETTO 8:10

Hatte yannara Zaabiheelinna Silmana 15,000 ikkitanno olantonsa ledo Qeriqeri yinanni darga no. Kuri soojjaatinni fultino gosa giddonni 120,000 manni goofeenna gattinoreeti.

EJJEETTO 8:21

Zaabiheelinna Silmana, «Labbaaha labbaahulla shaannona, ati umikki shiinke» yitusi. Gedewoonino kae insa shee, gaalinsa goowira noo irrano adhi.

UMI SAAMUEELI 30:17

Daawitino, hatte hawarronni kayise layinki hawarro geeshsha diinasi qasi. Gaala guluffe xooqqinore 400 wedella agurranna, mittu nafa gatikkinni gudi.