EJJEETTO 6:31 - Qullaawa Maxaafa

³¹ Iyoaasi kayinni hanqunni hufe gaangeesse noosi mannira, «Ba"aalira rabbissinannisini? Gatissinasira wo'naaltinannini? Isira rabbisannohu sooda geeshsha reyo! Ba"aali magano ikkinoha ikkiro, kakkalosi darga diinganni woyite hoo'lara dandaanno» yiinsa.

EJJEETTO 6:31 ပူးပေါင်းရင်းမြစ်များ

UMI MOOTOOLLA 18:27

Barru taalootira Eeliyaasi, «Qoonqo'ne naggi assitine huuccidhe! Isi dimaganoho? Wodanaho malannori bati'rinosihawe ikkanno. Woy fooliishshi're hee'ranno; woy doogo ha'rinoha ikkanno; woy goxe nooha ikkiro baqqi assesi» yaanni qacifatinsa.

UMI MOOTOOLLA 18:29

Barru taalootino saeenna hawarro kakkalo shiqinshanni yanna geeshsha gajaffanni qurbaanyitu. Ikkollana mitte dawarono diafidhino, macciishshinonsahuno dino. Huurono dino.

UMI MOOTOOLLA 18:40

Eeliyaasino, «Ba"aali himanaano amadde! Mittuno gatoonke» yee hajaji. Mannuno himanaano gudise amadi. Eeliyaasino baalanka haa're masse Kiishooni Wayi eela gorrisiise gudi.

FULO 23:2

Bunshe loosannoha woy halaale dawisanno manni batinye la'e hoodensa hadhooti.

ISAYAASI 41:23

Hanni ki'ne magannatero, kunni ka'a ikkara noore kullenke; maala'lineemmonna waajjineemmo gede, hanni mitto dancha woy busha coye asse.

ISAYAASI 46:1

Beelinna Nebo yinanniri Baabilooni maganna heeshshi yitanno; misillansa saadate badhera hogombanni; harreno hogowu ayirreenna daafurtanno.

ISAYAASI 46:7

Haadhe qoteho duqqitannonsa; misillano worroonniwa mitto bayicho uurrite heedhanno; noo darginni milli diyitanno. Qarrante huuccidheenna dawaro diqoltannonsa; mittu qarrinnino gatisse diaffanno.

ERMIYAASI 10:11

Atino, «Gordonna baatto kalaqqinokkiri kaphunniti maganna'ne baattote aaninni ba'anno yite kulinsa» yoottoe.

ERMIYAASI 10:5

Togoo misilla baaqulu giddo qansoonni kankichi gedeereeti; coyi'ra didandiitanno; ha'rano dandiitannokki daafira, mannu duhannonsa. Danchano bushano assite affannokki daafira, horonta hakkore waajjitinoonte» yii.

KIIRO 14:6

Baatto dooyyite higginori giddonni Iyyaasunna Kaaleebi dadillitino daafira imaanansa dartu.

UMI QORONTOOSI 8:4

Kaphu magannara kakkalate gorrinoonni maala itate daafira coyi'nanni woyite, kaphu maganna tenne gobba aana haafare ikkitinotanna mitto Magano agurranna wolu nookkita anfoommo.

EFESOONI SOKKA 5:11

Guma afi'rinokkihu tunsichu loosi ledo namoontinoonte; hatteentenni xawo fushshe.

EJJEETTO 6:30

Katamu mannino Iyoaasi, «Ba"aaliha kakkalote darga diiginohanna mulesi nooha Asheera mokkollicho murmurinohu beettokkiitina shineemmona fushshi» yitusi.

EJJEETTO 6:32

Kunnira, «Kakkalosi darga diiginoha umisi Ba"aali rabbiso» yitanni hakko barra Gedewoonira, «Yirubaeeli» yite su'ma fushshitusi.

UMI SAAMUEELI 12:11

Kaaliiqi Yirubaeeli, Baaraaqi, Yofitahenna ane Saamueeli soye keere heedhinanni gede gaanagaawi'nera noo diini anganni gatisino'ne.