EJJEETTO 6:25 - Qullaawa Maxaafa

²⁵ Hakko hashsha Kaaliiqi Gedewooni, «Annikki hoshsha giddonni mitto middichanna wole 7 diri middicha haadhe, annikki Ba"aalira seekkinoha kakkalote darga diigganno gede assi. Mulesi noota Asheera mokkollicho murmurte tugi.

EJJEETTO 6:25 ပူးပေါင်းရင်းမြစ်များ

KALAQAMA 35:2

Yaiqoobino maatesiranna ledosi noorira baalaho, «Wole gosa maganna mereeri'nenni hoolle; biso'neno hayishshidhe; imaana'neno soorridhe.

UMI MOOTOOLLA 18:21

Eeliyaasino mannaho, «Lamu wodaninni dintinanni heedhinannihu mamooti geeshshaati? Kaaliiqi Maganohoro iso magansidhe! Woy Ba"aali Maganohoro Ba"aali magansidhe!» yiinsa. Mannu kayinni mitto qaaleno didawarino.

IYYOOBI 22:23

Wo'manka Dandaanno Maganiwa higittoro dhaawamatto; cubbo minikkinni hoo'littoro,

FAARSO 101:2

Ati anewa dayittoro, minshe nookki heeshsho hee'reemmo. Mine'ya keeraancho heeshsho hee'reemmo.

FULO 34:13

Kakkalote darguwansa hiiqqaqqe; magansidhanno sooddiyye cancanne; Asheera yinanni maganota kakkalote mokkollo murmurre.

MAATEWOOSI 10:37

Anenni roorse annasinna amasi baxannohu aneha ikka didandaanno. Anenni roorse labbaa beettosi woy meyaa beettosi baxannohu aneha ikka didandaanno.

MAATEWOOSI 6:24

«Mittu manchi lamu Mootichira soqqama didandaanno. Woy mitto giwe mitto baxanno; woy mitto ayirrise mitto mishanno. Hattonni mittu manchi Maganohonna woxeho borojjicho ikka didandaanno.

SOQQAMAASINETE LOOSO 4:19

Pheexiroosinna Yohaannisi kayinni, «Maganoho hajajama agurre ki'nera hajajama Maganu albaanni dancha coyetini? Hanni Ki'nenni yiiyye.

SOQQAMAASINETE LOOSO 5:29

Pheexiroosinna ledosi soqqamaasine kayinni, «Mannaho hajajamantenni Maganoho hajajama hasiissannonke.

MARRO 7:5

Kunnira, assa hasiissanno'neri kunninni aane nooho: Kakka'litanno darga diigge; magansidhanno sooddiyye hiiqqaqqe. Asheera yinanni magano mokkollo murmurre; misillaseno cancanne.

EJJEETTO 2:11

Hakkunni gedensaanni, Israeele Kaaliiqi albaanni busha coye assitu. Ba"aali magannano magansidhu.

EJJEETTO 3:7

Israeelootu Kaaliiqi albaanni bunshe assitu. Kaaliiqa Maganonsano habbe, Ba"aalitanna Astaarooti maganna magansidhu.

EJJEETTO 6:26

Gaaraho luphi yiino darga, ane Maganikki Kaaliiqira malinoha kakkalote darga seekki. Hiiqqaqqite tugootto mokkollicho Asheeraha giirte, layinki middichi maala shilqishshe kakkali» yiisi.