EJJEETTO 6:24 - Qullaawa Maxaafa

²⁴ Gedewoonino hakkiicho Kaaliiqira kakkalote darga seekki. Su'mano, Kaaliiqi Keereho yee fushshi. Kuni kakkalote dargi techo geeshsha Abieezerootu baattora Ofira yinanniwa no.

EJJEETTO 6:24 ပူးပေါင်းရင်းမြစ်များ

KALAQAMA 12:7

Kaaliiqi Abiraamira leelle, «Tenne baatto sirchikkira eemmohe» yiisi. Kunnira, Abiraami leellinosi Kaaliiqira hakko darga kakkalote darga seekki.

KALAQAMA 12:8

Hakkiinnino kae, Beeteli Katamira soojjaatoonni ilaalaame gobba fuli; Beeteli galchimira, Gayi Katama soojjaatira qole agure dukkana dukka'ni; hakkiicho kakkalote darga seekke Kaaliiqiha qullaawa su'ma gane magansi'ri.

KALAQAMA 22:14

Abirihaami hakko dargira, Yaahiwe Yirie yee su'ma fushshi. Techo geeshsha mannu, «Kaaliiqi ilaalu aana qixxeessanno» yaanno.

KALAQAMA 33:20

Hakkiichono kakkalote darga seekke, Maganu Israeelete Maganooti yii.

LAYINKI SAAMUEELI 24:25

Hakkiicho Kaaliiqira kakkalote darga seekke shilqonnitanna mittimmate kakkalo shiqishi. Kaaliiqino Daawiti huuccatto macciishshe, Israeelete manni aana dirrisino qoomama uurrisi.

UMI MOOTOOLLA 18:32

Hattenne kinna dire Kaaliiqi su'minni kakkalote darga seekki. Kakkalote dargi gaangaawirano 14 litire waa haadhanno geeshshi bale umi.

IZIRA 3:2

Iyotsedeqi beetti qeesichu Iyyaasu ledosi qeesooti ledonna Selaatiyaali beetti Zerubaabeelino fiixisi ledo Israeelete Maganiha kakkalote darga galagalchite seekkitu. Hakkunni gedensaanni, Maganu manchi Muse maxaafi seerunnihura borreessinoonni garinni kakkalo shiqishshu.

FULO 17:15

Muse kakkalote darga seekke, hakko dargirano, «Kaaliiqi Qeellete Malaate'yaati» yee su'ma fushshi.

ERMIYAASI 23:6

Isi moohanno waro, Yihudu keere hee'ranno; Israeeleno harshammi yitanno. Su'masino, ‹Kaaliiqi keeraanchimmankeeti› yinanni.

ERMIYAASI 33:16

Hatte yannara Yihudu gatanno; Yerusaalameno fooliishshidhe keere heedhanno; katamu su'mano, ‹Kaaliiqi Keeraanchimmankeeti› yinanni.

HIZIQEELI 48:35

Shoolunku ragihu katamunnihu kinchu huxxi seendilli mitteenni, 9,000 qaafooti. Kunni ka'a katamu su'mi, «Kaaliiqi Konniicho No» yinanniha ikkanno.

IYYAASU 22:10

Roobeeliti, Gaaditinna soojjaati Minaase ga're Yordaanoosi Wayi mule Kana"aani nootewa Geliilooti katama iillitanni heedhenni, Yordaanoosi mule maala'linanniha lowoha kakkalote darga seekkitu.

EJJEETTO 21:4

Mannu soodimaroho gute kae, hakkiicho kakkalote darga seekke mittimmannitanna shilqote kakkalo shiqishi.

EJJEETTO 6:23

Kaaliiqi kayinni, «Keeru ledokki hee'ro; direyattona waajjitooti» yiisi.

EJJEETTO 8:27

Gedewooni culkunni misile seekke, ilamino katamira Ofira wori. Israeele baalanti tenne misile magansi'ratenni Maganoho ammanama hoogginohura, misile Gedewooniranna maatesira woshshaado ikkitu.

EJJEETTO 8:32

Iyoaasi beetti Gedewooni diro furme reyino. Abieezerootu baattora Ofira annisi Iyoaasi waammara madaarroonnisi.

UMI SAAMUEELI 14:35

Saaoolino Kaaliiqira kakkallanni darga seekki. Kaaliiqira kakkallanni darga seekkate tini isira umite.

UMI SAAMUEELI 7:17

Hakkiinni Raama minisira higanno woyiteno, hakko noo manni coye tiranno. Raamano Kaaliiqira kakkalote darga seekkino.