EJJEETTO 6:15 - Qullaawa Maxaafa

¹⁵ Gedewoonino, «Mooticha'ya, ayiddi'ya Minaase ga're giddo hooffayidiho. Ani qole mininke giddo wo'munkura woriidiho. Israeele gatisate maminni dandeemmo?» yii.

EJJEETTO 6:15 ပူးပေါင်းရင်းမြစ်များ

KALAQAMA 32:10

Ani borojjichikki kageeshshi geeshsha maaronna shaqqille leellishattoera hasiisannoeha di"ikkoommo; Yordaanoosi Waa fulummo waro, siqqicho'ya calla anga adhe noommo. Xa kayinni 2 tayishsha ikkoommo.

FULO 3:11

Muse kayinni Maganoho, «Feriooniwa mare Israeelete manna Gibitsetenni fushshate ani hiitto ikke dandeemmo?» yii.

FULO 4:10

Muse kayinni, «Kaaliiqa'ya, ani albano ikko, ati ledo'ya hasaawa hanafitto kawano coyi'ra dandoommokki babbichaati» yii.

ERMIYAASI 1:6

Anino, «Mooticha Kaaliiqa'ya, kuneeti ani shiima beetto ikkoommo daafira coyi'nanni gara diegennoommo» yee dawaroommosi.

ERMIYAASI 50:45

Kunnira, ani Kaaliiqi Baabilooni Kataminna, giddo heedhinanni manni ani hedoommore macciishshe; ooso'ne nafa goshoonshe haa'ne ha'nanni; la"annohu baalu bararraaqanno.

MIKIYAASI 5:2

Maganu, «Ati Efiraata baattora hee'rattati Beeteliheme! Ayee geeshshano Yihudu katammanni maa'ne ikkittarono, hundunni kayise hegerera ikkannohu Israeelete gashshaanchi atewiinni fulanno» yaanno.

LUQAASI 1:34

Maariyaami sokkaasinchoho, «Ani seemotena, kuni coyi hiitto ikke ikkanno?» yitu.

UMI QORONTOOSI 15:9

Ani soqqamaasine duuchantera woriidiho. Maganu beetekiristaane qarrisanni hee'roommo daafira, soqqamaasincho ikke woshshamate di"ikkoommoho.

EFESOONI SOKKA 3:8

Ani Maganu manni baalaho woriidiha ikkummorono, dannu nookkita Kiristoosi jiro Dagate kuleemmo gede tenne elto uyinoonnie.

EJJEETTO 6:11

Kaaliiqi sokkaasinchi Ofira yinanni qacha daye, Abieezerichu Iyoaasi gate noo qilxo hunda ofolli. Iyoaasi beetti Gedewooni, Midiyaamootu affannosikki gede maaxame woyine huuncinanniwa qamade ga'nanni no.

UMI SAAMUEELI 18:23

Insa tenneno Daawitira ledde kultusi. Daawiti kayinni, «Isi afummona, mootete ballo ikka mullareetini? Ani hakkeeshshi geeshsha diegennamoommoho; qoleno buxichoho» yiinsa.

UMI SAAMUEELI 9:21

Saaoolino, «Ani Israeelete giddo maa'ne ga're Biiniyaamitera ilamoommoha di"ikkoommo? Ilama'ya Biiniyaami ga're giddo diworiidite? Tenne affanni heedhe togoo coye mayira kulattoe?» yee dawari.