EJJEETTO 6:12 - Qullaawa Maxaafa

¹² Kaaliiqi sokkaasinchino isira leelle, «Koo jawaata worba! Kuneeti, Kaaliiqi ledokki no» yiisi.

EJJEETTO 6:12 ပူးပေါင်းရင်းမြစ်များ

FULO 3:12

Maganuno daware, «Ani ledokki hee're kaa'leemmohe; Israeele Gibitsetenni fushshatto yannara, kunni ilaalira magansidhinannie; kunino ani soommoheta egensiisate malaate ikkannohe» yiisi.

MAATEWOOSI 1:23

«Kuneeti, seemo godobbe labbaa beetto iltanno; su'masino Amaanueeli yinanni» Amaanueeli yaa, «Maganu ninke ledo no» yaate.

MAATEWOOSI 28:20

Hajajoommo'nere baala assitanno gede rosiissensa! Kuneeti, gobbate goofimarchi geeshsha ani ki'ne ledo noommo» yiinsa.

LUQAASI 1:11

Maganu sokkaasinchi hixaana giirranni dargira qiniiteenni uurre Zakkaariyaasira leelli.

LUQAASI 1:28

Sokkaasinchu isewa daye, «Ati elto wo'mitinoheti, keeru ledokki hee'ro! Maganu ate ledo no. [Ati meentu mereero maassamoottate]» yiise.

MARRO 20:1

«Diinna'ne qassinara olaho fultinanni yannara, faradi gaarensanna faradinsa ki'nerinni roore leelli'nero nafa waajjitinoonte. Gibitsetenni fushshino'nehu Magani'ne Kaaliiqi ki'ne ledo no.

IYYAASU 1:5

Ate Iyyaasu lubbotenni nootto geeshsha qeelannohehu ayino dihee'ranno. Ani Muse ledo hee'rummonte gede, ate ledono hee'reemmo. Wo'manka woyite ate ledo noommo; horontanni diagureemmohe.

IYYAASU 1:9

Ha'ratto darga baalaho ani Kaaliiqi Maganikki ledokki noommona, ‹Bashshi yitooti! Jawaati!› yee hajajummoheta habbooti. Horonta waajjitooti; hexxono mudhitooti» yee coyi'risi.

EJJEETTO 11:1

Geleaadichu Yofitahe wolqaataamo bagadaanchooti. Isino Geleaadi yinanni manchi mitte gursumeettenni ilinoho.

EJJEETTO 13:3

Kaaliiqi sokkaasinchi manchote leelle, «Ati ooso ilte diegennootta. Xa kayinni, godobbe labbaa beetto ilatta.

EJJEETTO 2:18

Kaaliiqi albisannoha kayisannonsa kiironni, hakku albisi Kaaliiqi ledosi noo daafira, Israeele diininsa anganni gatisino. Mannu qarru batinyinni kainohunni raaranno woyite, Kaaliiqi mararinonsa.

EJJEETTO 6:11

Kaaliiqi sokkaasinchi Ofira yinanni qacha daye, Abieezerichu Iyoaasi gate noo qilxo hunda ofolli. Iyoaasi beetti Gedewooni, Midiyaamootu affannosikki gede maaxame woyine huuncinanniwa qamade ga'nanni no.

EJJEETTO 6:13

Gedewooni daware, «Mooticha'ya, Kaaliiqi ledonke hee'roommero kuni baalu qarri iillannonkeni? Annuwanke, ‹Kaaliiqi Gibitsete gobbanni fushshinonke› yitanna macciishshinoommo. Xa kayinni Kaaliiqi ninke callachishinonke. Midiyaamootu angara sayise uyinonke» yii.

RUUTI 2:4

Shiima yanna gedensaanni Boeezi umisi Beetelihemetenni kae gatisira dayi. Middanni nooreno, «Keerunni hossini! Maganu maassi'ro'ne!» yiinsa. Insano, «Maganu ateno maassi'rohe!» yitusi.

UMI SAAMUEELI 10:7

Kuni malaati baalu ikkanno yannara Kaaliiqi ledokki noona, seyanno yaattore baala assi.