EJJEETTO 5:14 - Qullaawa Maxaafa

¹⁴ Amaaleqete sircho ikkitinori, Efireeminni ka'e daggu. Biiniyaami, ate hoode hadhuri ledo no; olu albisooti Makiirinni, gashshaano Zaabilooninni daggu.

EJJEETTO 5:14 ပူးပေါင်းရင်းမြစ်များ

KALAQAMA 35:22

Israeeli hattenne gobbara hee'ri yannara, Roobeeli mare annisira irkote galte Biliha ledo goxi; Israeelino konne coye macciishshi. Yaiqoobi ooso kiiro tonaa lameho.

KALAQAMA 35:23

Liya ooso giddonni Yaiqoobira bayiru beetti Roobeeliiti; maa'nuullisi Simiooni, Leewi, Yihudu, Yisaakooriitinna Zaabilooniiti.

KALAQAMA 35:24

Raaheeli ooso Yooseefiitinna Biniyaamiiti.

FAARSO 68:27

Maa'niidihunniti Biiniyaami ga're albissanno; hakkiicho Yihudu roorrooti gaamonsa ledo, Zaabilooninna Niftaalemi roorrootino hoodete no.

HOOSEI 5:8

Olaho fultanno gede Gebaooni buudu xurumbi luulo, Raama siwiilu xurumbi luulo macciishshiishshe. Beetiaweeni, «Biiniyaami ga're! Ate ledo hee'noommo» yitinanni raarre.

EJJEETTO 12:15

Hileeli beetti Abidoonino reenna, gaaraame Amaaleqootu gobbara Efireemi baattora Phiriatooni madaarroonnisi.

EJJEETTO 3:13

Amoonootunna Amaaleqootu isira ha'lite Israeele qasse saattu wo'mino katama Iyyaarko amaddu.

EJJEETTO 3:27

Hakkiira iillanni hee'renninni, mannu olaho fulanno gede ilaalaame Efireemi gobbara xurumba ufuufi. Israeeleno isi hoode gaaru aaninni dirritu.

EJJEETTO 4:10

Hakkiicho Baaraaqi Zaabilooninna Niftaalemi manna woshshiishi. Insa giddonnino 10,000 manni hoodesi fuli. Diboorano ledosi hadhu.

EJJEETTO 4:14

Hatte yannara Diboora Baaraaqi, «Kai, Kaaliiqi Sisaara angakkira sayise uyino barri konneeti; kuneeti Kaaliiqi balaxe albakkiinni fulino» yitusi. Baaraaqino 10,000 manna hoodete adhe Taaboori Ilaali aaninni dirri.

EJJEETTO 5:13

Ammanamino manni, ejjeettonniwa dirri; Kaaliiqi manni, wolqaataame bagadaano ledo anewa dayi.