EJJEETTO 4:6 - Qullaawa Maxaafa

⁶ Diboora, Niftaalemi giddo Qedeeshi yinanni katamira hee'rannoha Abiniemi beetto Baaraaqi woshshiishshe, «Israeelete Magani Kaaliiqi, ‹Ka'e Niftaaleminninna Zaabilooninni 10,000 manna haadhe Taaboori Ilaala fuli.

EJJEETTO 4:6 ပူးပေါင်းရင်းမြစ်များ

FAARSO 7:6

Kaaliiqa ballo, aarikkinni kai. Baarigaarra'ya hanqi aana kai; halaalaancho yoo hajajoottote garinni, Magano'ya ballo, ka'e kaa'lie!

FAARSO 89:12

Aliyyenna wodiido ati kalaqootto; Taaboori Ilaalinna Hermooni Ilaali atera hagiirrunni faarsitannohe.

FAARSO 89:13

Angakki hiittoo jawaataati! Wolqakkino lowo geeshsha jawate.

ERMIYAASI 46:18

Ani Olantote Mootichi Kaaliiqi, mootete; qoleno ani Heeshshote Maganooti. Taaboori Ilaali ilaalla baalate aliidiha ikkinonte gede, Qermeloosi Ilaalino baaraho iimaanni noonte gede, ki'nera aleenni higinohu wolqaataamu daanno.

HOOSEI 5:1

«Ki'ne qeesootu konne macciishshe! Ki'ne Israeelete mannino wodanche! Ki'ne mootoollate minino konne coye macciishshe! Kuneeti yoo aana'ne daggino; kaimuno, Mitsipha woshshaadote gede, Taaboori Ilaalirano qoxu gede ikkitinoonni.

SOQQAMAASINETE LOOSO 13:47

Hatto assineemmohu, Mootichu ‹Gato'ya gobbate qacce iillishatto gede, dagate caabbicho assoommohe› yee hajajinonke garinniiti» yite kultunsa.

IBIRAAWOOTA 11:32

Hakkiinni sae wole ma yeemmo? Gedewoonirenna Baaraaqire, Samisonirenna Yofitahere, Daawitirenna Saamueelire, himanaanonnireno odeessate yanna ajjinoe.

IYYAASU 1:9

Ha'ratto darga baalaho ani Kaaliiqi Maganikki ledokki noommona, ‹Bashshi yitooti! Jawaati!› yee hajajummoheta habbooti. Horonta waajjitooti; hexxono mudhitooti» yee coyi'risi.

IYYAASU 19:22

Dannu gawa'lannohu, Yordaanoosi Waa ikkanna, Taaboorira, Shahatsuumiranna Beeti-Shemeshira aananno. Kuni 16 katammanna gaangaawinsara noore shiimmaadda katamma baala mitteenni amadanno.

IYYAASU 19:32

Leelki qeechi Nifitaalemi ga'rera uyinoonni iqqaati.

IYYAASU 19:35

Hattono qiinshoonni katamma Tsiidiimi, Tseeri, Haamaati, Raaqaati, Kinaareeti.

IYYAASU 19:37

Qedeeshi, Edirayi, Ayini-Haatsoori,

IYYAASU 21:32

Nifitaalemi baattonni beenke saada hossanno baatto ledo uyinoonninsahu sasu katami, Galiilaho noo katamma eeggonnite giddonni gamu Qedeeshi, Haamooti Dooritinna Qartaaniiti.

EJJEETTO 4:10

Hakkiicho Baaraaqi Zaabilooninna Niftaalemi manna woshshiishi. Insa giddonnino 10,000 manni hoodesi fuli. Diboorano ledosi hadhu.

EJJEETTO 5:1

Hakko barra Dibooranna Abiniemi beetti Baaraaqi aante noo geewo geebbino:

EJJEETTO 6:35

Hattonni Minaase baatto baalate manna soye ha'runsitannosi gede assi. Qoleno Aseeri, Zaabilooninna Niftaalemi manni fule olamanno gede sokka soyi.

EJJEETTO 8:18

Zaabiheelinna Silmana, «Taaboori Ilaali aana shitini manni hiittoohoro kulle"e?» yee xa'minsa. Insano, «Wo'munku atente gede mootete ooso labbannoreeti» yitusi.

UMI SAAMUEELI 10:3

«Atino hakkiinni sa'e lowo haqqicho Taaboorite geeshsha ha'ratto. Hakkono, sasu manni: Mittu meu wilii'le, mittu 3 tima, mittu qole gogu ogorira wonshinoonnita woyinete xajje haadhe Maganoho kakkalo shiqishshara Beeteli hadhanna xaadatto.

UMI SAAMUEELI 12:11

Kaaliiqi Yirubaeeli, Baaraaqi, Yofitahenna ane Saamueeli soye keere heedhinanni gede gaanagaawi'nera noo diini anganni gatisino'ne.