EJJEETTO 3:27 - Qullaawa Maxaafa

²⁷ Hakkiira iillanni hee'renninni, mannu olaho fulanno gede ilaalaame Efireemi gobbara xurumba ufuufi. Israeeleno isi hoode gaaru aaninni dirritu.

EJJEETTO 3:27 ပူးပေါင်းရင်းမြစ်များ

LAYINKI SAAMUEELI 20:22

Tenne hedono haadhe mannunniwa martu. Mannuno yitinota macciishshe Saaba umo mure huxxu aanaanni qole Iyoaabira tugi. Iyoaabino mannu katama agure higanno gede buudu xurumba ufuufi. Mannu baalunku katamunni agure hige, qae qaesi ha'ri. Iyoaabino mootenniwa Yerusaalame higi.

LAYINKI MOOTOOLLA 9:13

Hakkawoyintenni ledosiri olu hajajaano aanaanni uddidhino imaana fushshite kaxxe fulanno dirimi aana kartu. Isono hakko uurranno gede assite xurumba ufuuffanni, «Iyu moohino» yite lallabbu.

NEHIMIYA 4:14

Mannu yaadinota afoommohura, insanna albisootansa, woloota roorroota baala, «Diinanke waajjitinoonte; lowo geeshsha jawunna waajjishanno Magani noonketa qaagginanni, fiixi'ne, ooso'ne, meenti'ne, mini'nenna jajji'ne daafira olamme» yuummonsa.

IYYAASU 17:15

Iyyaasu daware, «Kiiro'ne kageeshshi geeshsha batidheenna gaaraame Efireemi baatto ajjino'neha ikkiro, Ferizootunna Refootu heedhanno baatto martine dubbo do'le» yiinsa.

IYYAASU 17:18

Kunnira, gaaraame gobba ki'nera ikkitanno; dubbono ikkiro doltine qaccetenni qaccete geeshsha umi'ne iqqa assidhe. Kana"aanootaho ayi gedeno siwiilu faradi gaare heedhunsaronna jawaatoota ikkituro nafa, fushshitine shorra dandiitinanni» yiinsa.

EJJEETTO 10:1

Abemeleeki gedensaanni Yisaakoori ga'renni Doodo beetti Fuha ilinohu Tola Israeele gatisara kai. Isino gaaraamete Efireemi gobbara Saamiri yinanni qachira hee'ranno.

EJJEETTO 17:1

Gaaraame Efireemi gobbara hee'rannohu mittu Miika yinanni manchi no.

EJJEETTO 19:1

Israeelete moote nookki waro, gaaraame Efireemi gobbara widoonni hee'rannohu mittu Leewaawichi no. Isino Beetelihemete Yihudunni mitte irkote galte adhi.

EJJEETTO 3:26

Mootete soqqamaano daasu waalchira uurrite heedheennanni Naoodi xeerti're ha'ri. Kinna boncanni widoonni hige Sertayimira sae ha'rino.

EJJEETTO 5:14

Amaaleqete sircho ikkitinori, Efireeminni ka'e daggu. Biiniyaami, ate hoode hadhuri ledo no; olu albisooti Makiirinni, gashshaano Zaabilooninni daggu.

EJJEETTO 6:34

Hakkunni gedensaanni, Kaaliiqi Ayyaani Gedewooni aanira dirri. Isino buudu xurumba ufuufe, Abieezeroota hoodesi hadhanno gede woshshi.

EJJEETTO 7:24

Gedewoonino gaaraame Efireemi gobbara heedhannorira baalaho, «Midiyaamootu aana dirre; Beetibaara geeshsha nooha Yordaanoosi Waano balaxxine amadde» yiinsa. Kunnira Efireemi manni baalunku lassineenna fule, Beetibaara geeshsha nooha Yordaanoosi Waa mare amadi.

UMI SAAMUEELI 13:3

Yoonaataani Geeba yinanniwa noota Filisxeemete bagadaano qasi. Filisxeemeno konne coye macciishshitu. Saaoolino, gobba baala manna soye Ibiraawoota olaho xurumbunni lassinanni gede assi.