EJJEETTO 3:10 - Qullaawa Maxaafa

¹⁰ Gotooniyaalirano Kaaliiqi Ayyaani dirrisi. Isino Israeelete albisa ikke olaho fuli. Kaaliiqi Mesiphexoomiyu moote Kusiristemi sayise uyinosi daafira qeeli.

EJJEETTO 3:10 ပူးပေါင်းရင်းမြစ်များ

UMI DUDUWO 12:18

Gedensaanni sajjooho roorricha ikkinohura Amaasayira Maganu Ayyaani dirrisi. Isino, «Isseyi beetto Daawiti! Ninke ate haleeti. Ateranna halekkira qinoo'ne; Maganuno hale ikkohe» yee qoonqosi naggi asse coyi'ri. Daawitino insa hagiidhe adhe olantote roorroota assinsa.

LAYINKI DUDUWO 15:1

Maganu Ayyaani Odeedi beetti Azaariyaasi aana dirri.

LAYINKI DUDUWO 20:14

Kaaliiqi Ayyaani mannu ledo noohura Leewaawichu Zakkaariyaasi beetti Yahazieeli aanira dirri. Yahazieeli Asaafi sirchi giddo Maataaniya, Yi"ieelinna Beenaya ilamaati.

FAARSO 51:11

Albikkinni huntootie; Qullaawa Ayyaanakki aani'yanni adhitootie.

KIIRO 11:17

Anino dirre ate ledo hasaaweemmo; atera oommo Ayyaana insarano eemmo. Mannu qarra callikki duqqattokki gede kaa'litannohe.

KIIRO 11:25

Hakkunni gedensaanni Kaaliiqi gomichunni dirre Muse ledo hasaawi. Isira uyino Ayyaanano lamalawunku roorrootira uyi. Insano Ayyaanu aanansa dirranni hee'reennanni himana coyidhu. Hakkunni gedensaanni kayinni ledde dicoyidhino.

KIIRO 11:29

Museno daware, «Anera qarranteeti? Kaaliiqi mannu baalunkura Ayyaana ee himana coyi'ranno gede assoommero hagiidheemmo gara afootto?» yiisi.

KIIRO 24:2

Israeele ga're ga'rentenni baxxisidhe noota afi. Maganu Ayyaani aanasi dirreenna,

KIIRO 27:18

Kaaliiqino Musera, «Ayyaani'ya noosihura Newe beettira Iyyaasura angakki aanaho wori.

IBIRAAWOOTA 6:4

Magano agurino manna hiitto assine aagintaawanniwa qola dandiinanni? Kuni manni albaanni xawaabbu xawinonsareeti; gordu eltono adhite, Qullaawa Ayyaanano beeqqitinoreeti.

EJJEETTO 11:29

Hakkunni gedensaanni Kaaliiqi Ayyaani Yofitahe aanira dirri. Isino Geleaadinna Minaase giddoonni hige ha'ranni olanto kakkayisi. Geleaadinna Mitsipha widoonni hige mare Amooni iilli.

EJJEETTO 11:32

Hakkunni gedensaanni Yofitahe Amoonoota qasara fuli. Kaaliiqino insa angasira sayise uyi.

EJJEETTO 13:25

Tsorianna Eshitaooli mereero Daani qachira hee'reenna Kaaliiqi Ayyaani wolqa wonshisi.

EJJEETTO 14:19

Hakkunni gedensaanni Kaaliiqi Ayyaani dirre wolqa wonshisi. Asiqeloona Katama dirre 30 manna shii. Imaanansa haa're hibbo kulturira uyinsa. Isino buwe hanqe hee're annisi minira ha'ri.

EJJEETTO 14:6

Hatte yannara Kaaliiqi Ayyaani dirre wolqa wonshisi. Isino meichote goodane assinannihu gede asse amade anga callatennni tattayisi. Assinotano annisiranna amasira dikulino.

EJJEETTO 15:14

Samisonino Leehi yinanniwa iillanni hee'reennanni Filisxeemootu alaakkanni isiwa daggu. Hatte yannara Kaaliiqi Ayyaani dirre Samisonira wolqa wonshisi. Usurroonnisi siibbano giirate uwino fatilchi gede asse aangasinni tattayise tugi.

EJJEETTO 3:11

Qeneezi beetti Gotooniyaali reyi barri geeshsha baatto 40 diro keere heedhu.

EJJEETTO 3:8

Kaaliiqi Israeelete lowo geeshsha hanqino daafira, Mesiphexoomiyu mootera Kusiristemira sayise uyinsa. Isino Israeele 8 diro borojjimma gashshi.

EJJEETTO 6:34

Hakkunni gedensaanni, Kaaliiqi Ayyaani Gedewooni aanira dirri. Isino buudu xurumba ufuufe, Abieezeroota hoodesi hadhanno gede woshshi.

UMI SAAMUEELI 10:10

Saaooli soqqamaanchu ledo Gibia iilli yannara, himanaano dagge isinni xaaddu. Maganu Ayyaanino dirre wolqa wonshisi; isino hagiirrunni kukkubbanni ledonsa himana coyi'ri.

UMI SAAMUEELI 10:6

Hatte yannara Kaaliiqi Ayyaani dirre wolqa wonshanno. Atino kukkubbitanni insa ledo himana coyi'ratto; soorrante wole mancho ikkatto.

UMI SAAMUEELI 11:6

Saaooli konne coye macciishshita Maganu Ayyaani dirre wolqa wonshisi; isino lowo geeshsha hanqi.

UMI SAAMUEELI 16:13

Saamueelino buudaho noo zayite haa're roduuwisi albaanni buurisi. Hakko barrinni kayise Kaaliiqi Ayyaani Daawiti aanira dirre wolqa wonshisi. Saamueelino kae Raama ha'ri.