EJJEETTO 20:6 - Qullaawa Maxaafa

⁶ Hakkunni gedensaanni, reeshshase murmure Israeelete gobba baala soommo. Hatto assoommohu, kuni garimalu, hashakki'nannihunna saalsiisanno coyi Israeelete giddo ikkino daafiraati.

EJJEETTO 20:6 ပူးပေါင်းရင်းမြစ်များ

KALAQAMA 34:7

Yaiqoobi oosono konne coye macciishshite halallinni daggu; Sekeemi rodoonsa Diina shollishinohura lowo geeshsha dadillite fooggaltu; kuni coyi Israeelete gobbara saalahonna assate hasiisannokkiho.

LEEWAAWOOTA 18:24

«‹Kunni baalunkunni mitturinnino umo'ne batteessitinoonte; albi'nenni shorreemmo daga kunni coyi baalunkunni battaabbinote.

LEEWAAWOOTA 18:30

«‹Hajajo'ya agadhe; ki'nera albaanni baattote aana heedhannori assitino bunshe giddonni mitte bunsheno assitinoonte; kurinni umo'ne batteessitinoonte. Ani Kaaliiqi Magano'neeti› yiino yite kulinsa» yii.

IYYAASU 7:15

Kunni gedensaanni, huna hasiisannoha batte ikkino uduunne angasi anfannihu callisi badamanno. Hakkunni gedensaanni, ane ledo eino gondooro diige, Israeele shollishino daafira, isinna afi'rinori baalunku mitteenni giiramanno» yii.

EJJEETTO 19:22

Hasaabbanni heedheenna, garimalu manni katamunni daye mine gaangeessi; cufana dhodhoossanni geercho, «Minikkira eino mancho siimu xaadooshshira hasi'neemmona fushshi» yitu.

EJJEETTO 19:23

Geerchuno gobbara fule, «Roduuwa'ya, konne busha coye mayira assitinanni? Eegga'neetina manchu mini'yara einona konne saalu coye agurre.

EJJEETTO 19:29

Minira iillanni hee'renni, billawa haa're reeshsha tonaa lamewa murmure Israeelete gobba baala soyi.

EJJEETTO 20:10

Israeelete ga're baalante giddonni olantote sinqe dukkannore 100 giddonni 10 manna haa'neemmo. Olanto Biiniyaami gobba Gibia iillitanno woyite, Israeelete mereero assitinohura saalsiisanno coyira hasiisanno qoricha uyitannonsa» yii.