EJJEETTO 20:28 - Qullaawa Maxaafa

²⁸ Aarooni beetti Aliaazaari ilinohu Finihaasi Gondooru Taabooti mule soqqamanni no. Insano, «Roduuwanke Biiniyaamoota qasate gaandonso agurro?» yite Finihaasi widoonni qolte Kaaliiqa xa'mitu. Kaaliiqino, «Ga'a insa anga'nera sayise eemmona, hadhine olamme!» yiinsa.

EJJEETTO 20:28 ပူးပေါင်းရင်းမြစ်များ

LAYINKI SAAMUEELI 6:3

Maganunniha Gondooru Taaboota haaro faradi gaarera hogobbe gaaru aana noohu Abinaadaabi mininni haadhe abbitu. Abinaadaabi ooso Oozanna Ahiyo haaro faradi gaare gante haadhe hadhu.

LAYINKI DUDUWO 20:17

Konne ola ki'ne diolantinanni; darga darga'ne calla amaddine agarre! Ani Kaaliiqi eemmo'ne qeelle la'inannina. Ki'ne Yihudunna Yerusaalamete manna, huluullantinikkinninna waajjitinikkinni ga'a fultine xaadde. Ani Kaaliiqi ledo'ne hee'reemmona› yiino» yii.

IZIRA 7:5

Buuqi Abiishuho, Abiishu Finihaasiho, Finihaasi Aliaazaariho Aliaazaari Aarooniho.

FULO 6:25

Aarooni beetti Aliaazaari Putieeli beetto adhino; iseno Finihaasi yinanniha iltusi; kuri baalunku Leewi ga'rera annuwatenna umiidireeti.

ERMIYAASI 10:23

Kaaliiqa'ya, mannu heeshsho angasi nookkitanna, ha'rinshosino mannu umisi qineessi're dandaannokkita afoommo.

MARRO 10:8

Hatte yannara, Kaaliiqi Gondooru Taaboota dukkanno gede, soqqantasira albasiinni uurritanno gedenna mannu maassamanno gede huuccitara Kaaliiqi Leewi ga're doorino. Techo geeshsha Leewi ilamati soqqanshonsa tenneeti.

MARRO 18:5

Kaaliiqi su'minni uurrite hegerera qeesesi ikkite heedhanno gede, Magani'ne Kaaliiqi ga're'ne baalante giddonni Leewi ga're doodhino.

IYYAASU 22:13

Kuni ikkara albaanni Israeelete manni, qeesichu Aliaazaari beetto Finihaasi, Geliaadi nooriwa Roobeeli, Gaadinna soojjaato nootewa Minaase ga're daratiwa sokku.

IYYAASU 24:33

Aarooni beetti Aliaazaarino reenna, Gibia madaartinosi. Hakku katami, gaaraame Efireemi gobbara beettisi Finihaasi hee'ranno gede uyinoonniho.

IYYAASU 7:7

Iyyaasuno, «Mooticha Kaaliiqi ballo! Yordaanoosi Waa fushshite kawiira abbittonkehu Amooraawootaho sayisse aattonkeranna hunattonkera yiteetini? Hakkiicho Yordaanoosira widoonni hee'noommoro maaho?

EJJEETTO 1:2

Kaaliiqino, «Baatto angasira sayise eemmona, Yihudu balaxe fulona» yee dawari.

EJJEETTO 19:16

Hakko mereero Efireemi gobbanni daye Gibia hee'rannohu mittu jawu manchi loosi'rara ha'rinowiinni higi. Hatte gobba manni kayinni Biiniyaami ilamaati.

EJJEETTO 7:9

Hakko hashsha Kaaliiqi Gedewooni, «Angakkira sayise oommohena, dirrite kunni qachira bala tugi.

UMI SAAMUEELI 14:37

Saaooli, «Filisxeemoota faana ganoni? Insa Israeelete angara sayisse aattoni?» yee Magano xa'mi. Maganu kayinni hakko barra dawaro diqolinosi.

UMI SAAMUEELI 30:8

Daawiti, «Konne horrinke diina hordofoni? Iillammo ikka?» yee Kaaliiqa xa'mi. Kaaliiqino, «Ee, iillite qafadaminoha manna'ne baala gatisse qolattona hordofi» yee dawarisi.