EJJEETTO 20:13 - Qullaawa Maxaafa

¹³ Xa kayinni insa shine konne busha coye Israeelete giddonni hunneemmo gede, hakkonne Gibiaha garimale manna fushshitine uuyyenke» yitu. Biiniyaami ga're kayinni roduuwinsa Israeele yitinota dimacciishshitino.

EJJEETTO 20:13 ပူးပေါင်းရင်းမြစ်များ

LAYINKI SAAMUEELI 20:1

Hakko Galgalaho mittu Saaba yinannihu yawaawulu manchi no. Annisi Bikiriiti; ilamasi Biiniyaami ga'reeti. Saaba, «Daawiti ledo noonkeri dino. Isseyi beetti ledo mayi xaadi noonke? Israeelete manni baalunku mini'nera higge!» yaanni buudu xurumba ufuufi.

LAYINKI SAAMUEELI 23:6

Bushuullu kayinni, tunge agurroonni uti gedeereeti; ayino mulla anganni diamadannoreeti.

UMI MOOTOOLLA 21:13

Lamunku yawaawulootu naqaashshe Naabute mule ofoltu. Mannu baalunku albaanni ka'e, «Naabute Maganonna moote shollishino» yitu. Hakkunni gedensaanni Naabute katamaho gobbaanni fushshite kinnatenni gante shitusi.

LAYINKI DUDUWO 13:7

Shiima yanna gedensaanni tidhitinokki addi-fulooti Iyorbiaamiwa gamba yitu. Selemooni beetti Roobiaami anje afi'rino daafiranna hayyo xe'e noosi daafira kuni manni wolqisinosi.

LAYINKI DUDUWO 25:16

Himanaanchu coyi're gudikkinni Amesiyaasi, «Ate mootete amaalaancho mamoote assinummohe? Xa sammi diyaatto? Giwittoro sheemmohe?» yiisi. Himanaanchuno shiima yanna taxxi yiihu gedensaanni, «Konne coye assakkiranna ane amaale adha giwakkira Maganu hunahera kainota afoommo» yii.

LAYINKI DUDUWO 25:20

Amesiyaasi Yoaasi amaale miteno diyiino. Edoomootu maganna magansi'rasinni, qeelamanno gede hasi'rino daafira Maganu wore agurinosi.

LAWISHSHA 29:1

Batinye hinge seejjineenna, mokkookke higa giwannohu, hurannokki gede ikke hedeweelcho hiiqqamanno.

ROSIISAANCHO 11:10

Anjenna wedellichimma mulenni sa'annotena, yaaddo wodanikkinni, qarra abbannore manninatikki aaninni hoo'li.

HOOSEI 10:9

Kaaliiqi, «Israeelete manni Gibia katamira cubbo loosi yannanni kayise techo geeshsha, ane dadillisa diagurino. Kunnira Gibia olu ka"annonsa.

HOOSEI 9:9

Gibia Katami manni assinte gede, ki'neno lowo geeshsha battaabbinoonni. Kunni daafira, Maganu cubbo'ne baala kiire qorichishanno'ne.

ROOMU SOKKA 1:32

Togoore assitannorira baalaho reyo maltinonsata kulannoha Maganu Seera affanni heedhenni, konne coye assitanno. Konne coye assitanni nooreno jawaachishshanno.

UMI QORONTOOSI 5:13

Gobbaanni noori aana yoo yaannohu Maganoho. Kunnira, Qullaawa borro yitannonte gede, busha mereeri'nenni hunne.

LAYINKI QORONTOOSI 6:15

Kiristoosiranna Belihoorira mayi namoomi no? Woy ammaninohuranna ammaninokkihura mayi guti no?

MARRO 13:13

mereeri'nenni bushu manni kae ki'ne affinoonnikkita kaphu maganna ha'ne magansi'no yaanni mittu katami manna so'risiisannoha ikkiro,

MARRO 13:5

Gibitsete gobbanni borojjimmatenni wode fushshino'nehu Magani'ne Kaaliiqi aana bunshe assitinanni gede kayisanno'ne. Magani'ne Kaaliiqi doogonni wirri yitinanni gede assanno'nena, konne himanaanchonna haaqii'raancho shinona. Kunni garinni busha mereeri'nenni hunne.

MARRO 13:6

«Rodiikki, oosokki, woy baxattoti galtekki woy lubbote jaalikki, maaxame atewa daye atinna ate annuwa affinoonnikkita kaphu maganna magansi'ratto gede so'risiisahera wo'naaliro,

MARRO 17:12

Magani'ne Kaaliiqi albaanni hakkiicho soqqanshote uurrannoha qeesicha woy daanya mishannoha shinona. Kunni garinni Israeelete manni mereerinni busha hunne.

MARRO 17:7

Shinanni woyite kinnatenni balaxxe naqaashshe gantona; hakkiinni aanche wolu manni awwaalona. Kunni garinni busha mereeri'nenni hunne.

MARRO 19:19

rodiisira hedinore umisira qolle. Kunni garinni busha mereeri'nenni huntinanni.

MARRO 21:21

Hakkunni gedensaanni, katamu manni baalunku reya geeshsha kinnatenni awwaalona. Kunni garinni busha mereeri'nenni hunne. Israeelete manni baalunku konne coye macciishshe waajjanno.

MARRO 22:21

annise mine heedhenni baashaabbe Israeelete giddo shollaataamo coye assitinona, annise mini waalchiwa massineenna, hakko katami manni ise reyita geeshsha kinnatenni awwaalona. Kunni garinni busha mereeri'nenni hunne.

MARRO 22:24

seemo katamu giddo heedhenni iille"e yite raara hoogginohura, manchuno wolu huucci'rinota uggino daafira, lamenka katamu waalchira gobbaanni massitine reyita geeshsha kinnatenni awwaalle. Busha mereeri'nenni huna hasiissanno'ne.

MARRO 24:7

«Mittu manchi Israeelootu fiixisi giddonni mitto mancho fuge adhe ha're borojjicho assi'riro woy woleho hiriro, hakku manchi reyo. Kunni garinni busha mereeri'nenni hunne.

EJJEETTO 19:22

Hasaabbanni heedheenna, garimalu manni katamunni daye mine gaangeessi; cufana dhodhoossanni geercho, «Minikkira eino mancho siimu xaadooshshira hasi'neemmona fushshi» yitu.

EJJEETTO 20:12

Israeelete ga're baalanti Biiniyaami ga'rera, «Tini assitini akkimale maati?

EJJEETTO 20:14

Kunnira, Biiniyaamootu Israeele qassara katammansanni fulte gamba yite Gibia daggu.

UMI SAAMUEELI 2:25

Mittu manchi wolu aana sao assiro, Maganu tirara dandaanno. Mannu Kaaliiqi aana sao assiro kayinni ayi tirannoyya?» yiinsa. Ikkollana Kaaliiqi hunansara hasi'rino daafira, ooso anninsa yiinota dimacciishshitino.

UMI SAAMUEELI 30:22

Daawiti ledo noori giddonni mitu mitu bushunna garimalu manni kayinni, «Ledonke gaaddinokki daafira qo'linoommo saada insara dibeenkeemmo; meentonsanna oosonsa calla adhite hadho» yitu.