EJJEETTO 20:1 - Qullaawa Maxaafa

¹ Hakkunni gedensaanni aliyyeenni Daaninni, wodiidoonni Bersaabehinna soojjaatoonni Geleaadi geeshsha noo Israeele baala mitto ikkite Mitsiphara Kaaliiqi albira gamba yitu.

EJJEETTO 20:1 ပူးပေါင်းရင်းမြစ်များ

LAYINKI SAAMUEELI 19:14

Daawiti coyi'rino coyi Yihudu manni baalunku wodana mitto asse isi widira qoli. Insano mootenniwa manna sokke, olantosi baalante ledo galagale daanno gede assitu.

LAYINKI SAAMUEELI 2:9

Abeneeri Iyaabuste Israeelete moohanno gede assi. Tini gobbano Geleaadi, Aseeri, Iyiziraeeli, Efireemiranna Biiniyaami ga'rete.

LAYINKI SAAMUEELI 24:2

Kunnira Daawiti olu roorrichira Iyoaabira, «Ledokki noore olu hajajaano haadhe marte gobbate qaccenni qaccete geeshsha baalanta ga're iillite, Israeelete manni mageeshsha ikkinoro afate hasi'roommo daafira kiiri» yiisi.

UMI MOOTOOLLA 5:5

Kaaliiqi anni'yara Daawitira, ‹Ate darga moohannohu beettikki Qullaawa Mine minannoe› yee coyi'rino. Anino, magansi'nanniha Qullaawa Mine Magani'ya Kaaliiqira minate kaoommo.

LAYINKI MOOTOOLLA 25:23

Anga uyitinokkiri olu hajajaanonna olanto konne coye macciishshite Mitsipha noohuwa Gedaaliyawa hadhu. Hadhinori olu hajajaano: Naataaniya beetti Ismaeeli, Qaareha beetti Yohanaani, Nexofa Katami manchi Tanihumeeti beetti Seerayanna Maaka ilaminohu Yaizaaniyaati.

UMI DUDUWO 21:2

Daawitino olu roorricha Iyoaabinna wole olu hajajaano, «Mannu mageeshsha ikkinoro afate hasi'roommona, Daaninni kayissine Bersaabehi geeshsha qaccetenni qacce iillitine Israeelete manna kiirtine mageeshsha ikkinoro daggine kulle"e» yee hajaji.

LAYINKI DUDUWO 30:5

Kunnira, Israeelete Magani Kaaliiqiha Mararrote Ayyaana ayirrisate aliyyeenni Daaninni kayise wodiidoonni Bersaabehi geeshsha noo manni baalu gamba yee Yerusaalame daanno gede lallawisiissu. Hakkunnira albaanni hakkeeshshi manni seeru garinni gamba yee ayyaana ayirrise diegennino.

IZIRA 3:1

Katamma katammansara noo Israeele, lamalki agani eita, baalunku mitto ikkite Yerusaalame gamba yitu.

NEHIMIYA 11:27

Hatsaari-Shuaali yinanni katammara, Bersaabehiranna qooxeessaho noo qachuwara heedhino.

NEHIMIYA 8:1

Israeelete manni lamalki aganira katammansara darga amada gudi. Hakko aganira umi barra Yerusaalamete Wayi Waalcho yinanni xawira mannu baalunku mitteenni gamba yii. Hakkunni gedensaanni Maganu Muse widoonni Israeelete mannira uyino seera amadino maxaafa abbannonsa gede qeesichu Izirara kultu.

ERMIYAASI 40:6

Anino Gedaaliyawa Mitsipha ha'roommo; isiwa mare qafadamikkinni gatino manni ledo hee'roommo.

KIIRO 32:1

Lowo lalo, ge'reewonna me"e afidhinori Roobeelinna Gaadi ga're Yaizeerinna Geleaadi baatto saadate toltinota ikkitinota affe,

KIIRO 32:40

Museno Geleaadi Makiiri boosaallira uyinsa. Insano hakkiicho teesso assidhe heedhu.

IYYAASU 15:38

Diliaani, Mitsipha, Yoqixieeli,

IYYAASU 17:1

Yordaanoosi Wayira galchimaanni noo baatto beenke Yooseefihu bayiru beetti Minaase ilamara uyini. Minaasehu bayiru beetti Geleaadi anni Makiiri bagadaanchoho. Kunnira, Yordaanoosi Wayira soojjaatoonni noore Geleaadinna Baasaani isira uyini.

IYYAASU 18:26

Mitsipha, Kefiira, Mootsa,

IYYAASU 22:12

Israeelete manni konne coye macciishshi yannara, baalunku soojjaati ga'rera gaaddara Seelo gamba yitu.

IYYAASU 22:9

Kunni garinni, Roobeeliti, Gaaditinna soojjaati Minaase ga're wo'munku base basensa galagalte hadhu. Insano geegiissineennansa Muse widoonni Kaaliiqi hajajinonsa garinni alba iqqa assidhe adhitinowa Geleaadi gobba higgu yannara, wolootu Israeelootu Seelo gattino.

IYYAASU 4:13

Insa giddonni fultinori 40,000 geeshsha ikkitino olanto, Kaaliiqi albaanni dirante Iyyaarko mule noo xawo fultu.

EJJEETTO 10:17

Amoonootu olaho qixxaabbe Geleaadi kunseentu yannara, Israeeleno Mitsipha gamba yitu.

EJJEETTO 11:11

Yofitaheno kae Geleaadi roorrooti ledo ha'ri. Mannuno roorrichanna gaadaanna assi'risi. Yofitaheno coyi'rinore wonshannota Mitsipha Kaaliiqi albaanni lede egensiisi.

EJJEETTO 11:34

Yofitahe minisira Mitsipha higi. Higanno woyite beettosi dibbe gantanni geebbanni haadhasira shiqqu. Iseno afi'rino mitteeti; ise agurranna wole ooso mitteno dinosi.

EJJEETTO 18:29

Katamano Israeeli beetti anninsa Daani su'minni woshshitu. Katamunnihu albi su'mi kayinni Layishiiti.

EJJEETTO 20:11

Kunnira, Israeelete manni baalunku mitto ikke Gibia gaadi.

EJJEETTO 20:18

Israeele magansi'nanniwa Beeteli dagge Magano, «Biiniyaamoota qasate albaanni aye sayisi'no?» yite xa'mitu. Kaaliiqino, «Yihudu balaxe fulona» yee dawarinsa.

EJJEETTO 20:2

Israeelete ga're baalante giddonni 400,000 ikkitannori bagado amaddino lafo Maganu manni songo giddo uurritu.

EJJEETTO 20:26

Israeelete manni baalunku Beeteli mare, Kaaliiqi albaanni ita aga agure wi'lanni hawarra geeshsha keeshshi. Hakkunni gedensaanni, mittimmannitanna shilqote kakkalo Kaaliiqira shiqishi.

EJJEETTO 20:8

Mannu baalunku mitto ikke, «Ninke giddonni mittuno qaesi higoonke; minisira ha'roonke.

EJJEETTO 21:5

Israeelete manni, «Israeelete ga're baalate giddonni Kaaliiqi albira songo dayinokkihu ayeti?» yee xa'mi. Hatto yiinohuno Mitsipha dayinokkihu horonta reyanno gede xaarino daafiraati.

UMI SAAMUEELI 10:17

Saamueeli Israeelete manna Mitsiphara Kaaliiqi xaadira woshshe,

UMI SAAMUEELI 3:20

Daanira soojjaatoonni Bersaabehira aliyyeenni noo Israeele baala Saamueeli halaalaancho Kaaliiqi himanaancho ikkinota affu.