EJJEETTO 2:18 - Qullaawa Maxaafa

¹⁸ Kaaliiqi albisannoha kayisannonsa kiironni, hakku albisi Kaaliiqi ledosi noo daafira, Israeele diininsa anganni gatisino. Mannu qarru batinyinni kainohunni raaranno woyite, Kaaliiqi mararinonsa.

EJJEETTO 2:18 ပူးပေါင်းရင်းမြစ်များ

KALAQAMA 6:6

Manna baattote aana kalaqasira gaabbi; wodanisinnino dadilli.

LAYINKI MOOTOOLLA 13:4

Hakkunni gedensaanni Iyoahaazi Kaaliiqa huucci'ri. Kaaliiqino Sooriyu moote Israeelete aana assino beebba lowo geeshsha batidhinota lae, Iyoahaazi huuccatto macciishshi.

FAARSO 12:5

Kaaliiqi kayinni, «Buxanete qarrira, mitiimmaammu raarera xa kaeemmo; halchitino keereno eemmonsa» yaanno.

FAARSO 90:13

Hanqikki mamooti geeshsha keeshshanno? Kaaliiqa ballo, soqqamaanokkira alba higinke.

FULO 2:24

Maganuno urattonsa macciishshe Abirihaami, Yisihaaqinna Yaiqoobi ledo eino gondooro hedi.

FULO 3:12

Maganuno daware, «Ani ledokki hee're kaa'leemmohe; Israeele Gibitsetenni fushshatto yannara, kunni ilaalira magansidhinannie; kunino ani soommoheta egensiisate malaate ikkannohe» yiisi.

FULO 32:14

Kaaliiqino hanqosi agure, mannu goofannokki gede assi.

HOOSEI 11:8

«Israeele! Ate hiitto asse agureemmohe? Hiitto asseno sayise eemmohe? Adaamanna Tseboyimi assummo gede, hiitto huneemmohe? Ate lowo geeshsha baxeemmohe daafira, konne baala assammora wodani'ya diaannoe.

YOONAASI 3:10

Maganu, Nennewe manni assinorenna bunshe agure higinota lai; kunnira, marare abbara hedino bao aguri.

KIIRO 10:9

Gobba'nera ki'ne qasara ka"anno diini ledo olantinara fultinanni yannara, xurumba ufuuffe. Ani Magani'ne Kaaliiqino qaageemmo'ne; gatiseemmo'ne.

MARRO 32:36

Wolqa noonsakkitanna mannu goofita afe, mannasi keereensanno; soqqantannosire baala mararannonsa.

IYYAASU 1:5

Ate Iyyaasu lubbotenni nootto geeshsha qeelannohehu ayino dihee'ranno. Ani Muse ledo hee'rummonte gede, ate ledono hee'reemmo. Wo'manka woyite ate ledo noommo; horontanni diagureemmohe.

EJJEETTO 10:16

Hakkunni gedensaanni giddonsa noota allagga maganna hooltu. Kaaliiqano magansidhu; Kaaliiqino Israeelete gadado lae cinca hoogi.

EJJEETTO 11:32

Hakkunni gedensaanni Yofitahe Amoonoota qasara fuli. Kaaliiqino insa angasira sayise uyi.

EJJEETTO 2:19

Albisu reyihu gedensaanni kayinni, mannu wole maganna magansi'ratenninna insara soqqamatenni annuwansanni roore bushino. Bunshe loosanna qoxxisama diagurino.

EJJEETTO 3:9

Israeele Kaaliiqiwa raartu yannara kayinni, hakkiichinni fushshannonsa gede, Kaaleebihu maa'nu rodii Qeneezi ilinoha Gotooniyaali kayisinsa.

EJJEETTO 6:12

Kaaliiqi sokkaasinchino isira leelle, «Koo jawaata worba! Kuneeti, Kaaliiqi ledokki no» yiisi.

EJJEETTO 6:16

Kaaliiqino, «Addintanni ani ledokki hee'reemmo. Midiyaamoota mittu manchi gede assite ganatto» yiisi.