EJJEETTO 2:14 - Qullaawa Maxaafa

¹⁴ Kaaliiqi Israeelete lowo geeshsha hanqe saantannorira sayise uyinsa. Wolqansara aleenni ikkitinorira gaangaawinsa diinnara sayise hirinsa.

EJJEETTO 2:14 ပူးပေါင်းရင်းမြစ်များ

LAYINKI SAAMUEELI 24:1

Kaaliiqi galagale Israeelete mannira hanqino daafira, Daawiti kakkayise qarru iillannonsa gede, «Marte Israeelenna Yihudu manna kiiri» yii.

LAYINKI MOOTOOLLA 13:3

Kaaliiqi hanqino Israeelete aana buwi. Kunnira marro marro hige Sooriyu moote Azaheelinna beettisi Benihadaadi angara sayise uyinsa.

LAYINKI MOOTOOLLA 17:20

Kunnira, Kaaliiqi Israeelete manna baala facci asse agurino. Albisinni co'o asse hunannohura mararannokki diinira sayise aatenni qorichishinonsa.

LAYINKI DUDUWO 15:5

Hatte yannara base baalate mannaho qarrunna yaaddo batidhino daafira, fule keere higa mitiimmate.

LAYINKI DUDUWO 28:5

Kunnira Maganisi Kaaliiqi Sooriyu moote angara sayise uyinosi. Sooriyootuno qeelte lowo mannano qafadde Demaasiqo haadhe hadhu. Qoleno Kaaliiqi lowo geeshsha gawajjannohura Israeelete mootera sayise uyisi.

LAYINKI DUDUWO 36:16

Israeelete manni kayinni soyino manna qacifatino; himanaano oso'lanni qaalesino lashshi asse agurino. Kunninni kainohunni gatte affannokkihu Kaaliiqihu lowo hanqi aanansa dirrino.

NEHIMIYA 9:27

Kunnira, diinnansa qeelte gadadissannonsa gede sayisse oottonsa. Qarrantanno yannara kaa'lo afi'rate atewa raartino; atino gordoho heedhe macciishshoottonsa. Maarokki batinyinni kainohunni, diinnansawiinni gatissannonsa albisoota soottonsa.

FAARSO 44:11

Ge'reewu gede gorramate sayisse oottonke; dagate giddono billaallisoottonke.

FAARSO 44:12

Mannakki mullurira hirootto; mulla sayisse ootto.

ISAYAASI 42:24

Yaiqoobi sircho Israeele, mulqi'rannohuranna saamannohura sayise uyinohu ayeti? Isi aana sao assinoommo daafira, yiino doogo ha'ra gimboommohuranna, seerasino wonshinoommokki daafira, konne coye assinohu Kaaliiqaati.

ISAYAASI 50:1

Kaaliiqi, «Galtesi fushshe hunanno manchi gede, ani ki'ne manna'ya fushshe hunoommoha lawi'ne? Hatto ikkiro fushshe ha'risa'ya kultanno taje hiikko nooyya? Mannu oososi borojjimmate hirannohu gede, anino ki'ne qafadote hire aguroommoha lawi'ne? Ki'ne qafadantinoonnihu cubbi'nenniiti; darantinoonnihuno assitinoonni saonniiti.

ERMIYAASI 37:10

Baabiloonoota qeeltinanniha ikkiro nafa, madidhe dukkanu giddo goxxinori galagalte wolqa assidhe katama giirte huntanno› yiino yite kulisi» yiie.

LEEWAAWOOTA 26:17

Diinna'ne qeeltanno'ne gede badhe wodheemmo'ne; gibbinanniti diinna'ne gashshitanno'ne; waajjitinoonni daafira, shorrini'nekkinni xooqqinanni.

LEEWAAWOOTA 26:28

anino hanqi'yanni dayemmo'ne; cubbi'ne daafira, ani umi'ya 7 ero lede qorichisheemmo'ne.

LEEWAAWOOTA 26:37

Shorrannohu nookkiha bagado xooqqannori gede insa insanaawa sarraaqantanno; diinnansa albaannino uurrite diaffanno.

KIIRO 32:13

Kaaliiqi Israeelete lowo geeshsha hanqino daafira, albasiinni bunshe assitinoti hatti ilama baala gooffa geeshsha 40 diro halalla raataabbanno gede assinonsa.

KIIRO 32:14

«Ki'ne cubbaataammu ooso, annuwa'ne lekka ikkitine ki'neno Kaaliiqi Israeelete roore hanqanno gede assitinanni heedhinoonni.

MARRO 28:20

«Kaaliiqa agura'nenni assitinoonni bunshenni kainohunni, co'o yitine rahotenni ba'ina geeshsha, assidhinoonniri baalu aana Kaaliiqi dano, sianna quuxxo abbanno'ne.

MARRO 28:25

«Kaaliiqi diinna'ne qeeltanno'ne gede assanno. Mitte faro higgine dagginanni; lamala faro higgine albinsanni xooqqinanni. Gosa baalate busha lawishsha ikkitinanni.

MARRO 28:58

«Kunni maxaafira borreessinoonniha konne seera seekkitine agadha hoogginiro, dhaggennihanna waajjishannoha Magani'ne Kaaliiqi su'ma ayirrisa gibbiniro,

MARRO 32:30

Wolqaataamu Magani callachisha hoogoommensaro, Kaaliiqi facci asse agura hoogoommensaro, kume manna mittu manchi, tonne kume lamu manchi, hiitto asse qeelara dandaanno?

IYYAASU 23:16

Magani'ne Kaaliiqi agadhitinara uyino'ne gondooro diigginironna wole magannara soqqantinanni magansidhininsaro, hanqisinni qorichishanno'ne. Isi uyino'netera dancha baattora ki'ne giddonni mittu nafa dihee'ranno» yiinsa.

EJJEETTO 1:19

Kaaliiqi ledonsa noo daafira, Yihudu manni gaaraame gobba amadi. Ikkollana, xeichaame baattora hee'ranno manni siwiilu faradi gaare afi'rinoha ikkino daafira, hakkiichinni fushshite shorra didandiitino.

EJJEETTO 1:34

Amooraawootu Daani ga're gaaraame gobba widira qolte xiibbe, taalo gobba dirritannokki gede hooltinonsa.

EJJEETTO 10:7

Kunnira, Kaaliiqi Israeelete hanqe, Filisxeemootahonna Amoonootaho sayise hirinonsa.

EJJEETTO 2:20

Kunnira Kaaliiqi Israeelete lowo geeshsha hanqe, «Kuni manni Akaakkansa ledo eoommo gondooro diigino daafiranna, ani yoommotano macciishsha giwino daafira,

EJJEETTO 3:12

Israeele xaano Kaaliiqi albaanni bunshe loossu; konne assansanni Kaaliiqi Moaabi moote Egilooni Israeelete wolqisanno gede assi.

EJJEETTO 4:2

Kunnira Kaaliiqi Hatsoori gashshe noohura Kana"aani mootera Yaabiinira sayise hirinsa. Yaabiini olanto hajajaanchi Sisaara, Harosheti-Hagoyimi hee'ranno.