EJJEETTO 2:13 - Qullaawa Maxaafa

¹³ Iso agurte Ba"aalinna Astaarooti magansidhinohura,

EJJEETTO 2:13 ပူးပေါင်းရင်းမြစ်များ

UMI MOOTOOLLA 11:33

Hatto assoommohu Selemooni ane agure, Sidoonootu magano Astaarooti, Moaabootu magano Kamooshinna Amoonootu magano Milkoomi magansi'rino daafiraati. Qoleno annisi Daawiti gede ikke doogo'ya ha'ra giwino; seera'yanna hajajo'ya ayirrisa giwatenni sao assino.

UMI MOOTOOLLA 11:5

Astaarooti yinannita Sidoonootu magano tiyyi'nanniha Molooki yinanniha Amoonootu magano magansi'ri.

LAYINKI MOOTOOLLA 23:13

Yerusaalamete soojjaatoonni Battete Ilaalaati yinannihura wodiidoonni moote Selemooni seekkisiisinota tiyyi'nannita Sidoonootu magano Astaarooti, Moaabi magano Kamooshi, Amooni magano Molooki magansi'nanni gaarrano lageessino.

LAYINKI DUDUWO 12:2

Kaaliiqira badhe wodhitino daafira Roobiaami moohihunni ontikki diro Gibitsete moote Shishaaqi Yihuda qasara gaadi.

LAYINKI DUDUWO 28:3

Hinoomi Lagichira hixaana giire, Israeele hattenne baatto ragidhu waro Kaaliiqi shorre hunino gosata tiyyi'nanni woga amade, umisi ooso kakkalino.

LAYINKI DUDUWO 33:3

Annisi Hiziqiyaasi diige huninoha daga magansidhanno darga galagalche seekkino. Ba"aali maganirano kakkallanni darga seekke, Asheera maganorano mokkollo uurrisino; beeddaheno magansi'rino.

LAYINKI DUDUWO 7:22

Wolu manni qole, ‹Kaaliiqi tenne bao baala abbinonsahu, Gibitsetenni fushshinonsaha akaakkansa Magano Kaaliiqa agurte wole maganna hoode hadhinohuranna insa magansidhinohuraati. Kaaliiqi tenne baala bao abbinonsahu kunniraati› yee dawaranno» yii.

FAARSO 106:36

Insa dagate maganna magansidhu; kuni coyino baonsara kaima ikki.

ERMIYAASI 16:11

Atino, ‹Kaaliiqi akaakka'ne anera badhe wodhite kaphu maganna magansidhanni insara soqqantino; aneno agurtino; seera'yano diagadhitino.

ERMIYAASI 2:20

Kaaliiqi qole, «Ki'ne Israeele, kuneeti lowo yannanni kayissine, qambara'ne hiiqqidhine usura'neno tidhitinoonni; soqqamanna magansi'ra gibbinoonnie. Jajjabba ilaallaranna lowiddaanna haqqe hunda, wole maganna ledo foortinoonni.

KIIRO 25:3

Kunni garinni Israeele Fegoori gobba magano Ba"aali magansidhu. Kunni daafira Kaaliiqi lowo geeshsha hanqi.

UMI QORONTOOSI 8:5

Ikkirono lowoti kaphu magannanna mootoolla noota egenninoommo. Gordohonna baattote «Magannate» yinanni maganna heedhurono,

EJJEETTO 10:6

Israeelootu xaano Kaaliiqi albaanni bunshe assitu. Beaalinna Astaarooti hattono Sooriyunnita, Sidoonata, Moaabita, Amoonitanna Filisxeemete maganna magansidhu. Xaano Israeele Kaaliiqiwiinni baxxitu; isono magansi'ra agurtu.

EJJEETTO 2:11

Hakkunni gedensaanni, Israeele Kaaliiqi albaanni busha coye assitu. Ba"aali magannano magansidhu.

EJJEETTO 3:7

Israeelootu Kaaliiqi albaanni bunshe assitu. Kaaliiqa Maganonsano habbe, Ba"aalitanna Astaarooti maganna magansidhu.

UMI SAAMUEELI 12:10

Hakkunni gedensaanni, ‹Cubbo loonsoommo; Kaaliiqa agurre Ba"aalinna Astaarooti magansi'noommo. Xa kayinni soqqammeemmohena diininke anganni gatisinke› yite Kaaliiqiwa higge raartino.

UMI SAAMUEELI 31:10

Saaooliha olu bagado Astaarooti yinanni magano mine massite wortu. Saaooli reeshsha kayinni Beeteshaani huxxi aana rarraasse agurtu.

UMI SAAMUEELI 7:3

Saamueelino Israeelete manna baalanka, «Co'o yiino wodaninni Kaaliiqiwa higginanniha ikkiro, wole gobba magannanna Astaarooti misile giddo'nenni fushshe. Heeshsho'ne gudissine Kaaliiqira uuyye; iso calla magansidhe. Isino Filisxeemete anganni gatisanno'ne» yiinsa.