EJJEETTO 18:24 - Qullaawa Maxaafa

²⁴ Isino, «Mayira maikkitto yitinannie? Seekki'roommota maganna'yanna qeesicha'ya adhitine hadhinoonni; hanni anera mayi gatinoe?» yiinsa.

EJJEETTO 18:24 ပူးပေါင်းရင်းမြစ်များ

KALAQAMA 31:30

Annikki mini quqquxihero ha'rattota afoommo; maganna'ya kayinni mayira mooritto?» yee xa'misi.

KALAQAMA 31:34

Raaheeli magannasi haadhe gaalu koorira woroonni maaxxe, iimaho ofoltu. Laabano dukkanu giddo baalankawa hasi; kayinnilla mittoreno diafi'rino.

LAYINKI DUDUWO 25:15

Kaaliiqi hanqino Amesiyaasi aana buwi. Kunnira himanaancho soye, «Mannansa ate anganni nafa gatisa dandiitinokki magannara mayira kumbuulitto?» yee xa'misi.

FAARSO 115:8

Seekkitunsarinna addaxxitannonsari baalu, insa gedeere ikkitanno.

ERMIYAASI 50:38

Moolleno gobbansara ikkito; wayibbansano gooffo. Gobbansara tiyyi'nanni maganna wo'mite, insano gowwoota assitinonsa.

ERMIYAASI 51:17

Kaphu maganna seekkidhannori, gowwootahonna balalootaho. Tini kaphunniti magannansa, lubbo afidhinokki daafira, insa seekkidhuri saalfattanno.

HIZIQEELI 23:5

Ohoola ani adhummosehu gedensaanni nafa foorrese diagurtino; Asoorootu ellase hoode doddino.

SOQQAMAASINETE LOOSO 19:26

Kuni Phaawuloosi yinanni manchi, ‹Angatenni seekkinoonniri maganna di"ikkitino› yaanni Efesooni calla ikkikkinni, shiima gobba agurranna Issiyu gobba baala tuqise, lowo manna ammanchiishe hunanni noota affinoonni, macciishshitinoonni.

YOHAANNIS AJUUJA 17:2

Baattote aani mootoolla ise ledo foortino. Baattote aana noo mannino foorrennita woyinete xajjese age dimbino» yii.

EJJEETTO 17:13

Miika, «Leewaawicha qeesicha assi're mine'ya wodhoommo daafira, Kaaliiqi danchare assannoeta xa afoommo» yii.

EJJEETTO 17:5

Kunni Miika yinanni manchira magansi'nanni dargi noosi. Mini magannanna gagasu uddano seekki're oososi giddonni mittu qeesicha ikke soqqamanno gede assi.

EJJEETTO 18:23

Badhensaanni cancitanni noota macciishshite, Daani ga're Miikara, «Maaho maikkitto? Konne manna baala mayira gudhite dayitto?» yite xa'mitusi.

EJJEETTO 18:25

Daani mannino, «Mitto coyeno coyidhootinke. Konne manna hanqisittoro gawajjamatto; atinna mannikki gooffinanni» yitusi.