EJJEETTO 16:28 - Qullaawa Maxaafa

²⁸ Samisoni Kaaliiqa, «Kaaliiqa Mooticha'ya ballo qaagie; ba'ino ille'ya daafira Filisxeemoota rabbisi'reemmona Magano'ya ballo mitte higge calla jawaachishie» yee huucci'ri.

EJJEETTO 16:28 ပူးပေါင်းရင်းမြစ်များ

LAYINKI DUDUWO 20:12

Maganonke, tenne gawajjitanni noonketa bati'ra olanto hoo'late ninke wolqa diafi'noommona, ati insa qorichishi! Atewa hinge raara agurranna, assineemmore mittoreno dianfoommo» yii.

FAARSO 10:12

Kaaliiqa ballo, gotti yite bushuullu aana angakki kayisi! Qarraataamma habbootinsa.

FAARSO 116:4

Hattenne yannara, «Kaaliiqa'ya ballo, gatisie!» yaanni, isiwa hige raarummo.

FAARSO 143:12

Bagamannokkiha baxillekki xawisse, diinna'yano shii; ani soqqamaanchokki ikkoommohura, gadadissannoere baala gudi.

FAARSO 50:15

Qarru barra woshshidhe"e; anino gatiseemmo'ne; ki'neno ayirrissinannie.

FAARSO 91:15

Woshshi'rannoe woyite, ‹Yee› yeemmosi; qarramanno yannara ledosi hee'reemmo; gatiseemmosi; ayirrado asseemmosi.

ERMIYAASI 15:15

Hakkunni gedensaanni, «Kaaliiqa ati wo'manka coye egennootto; habbootiena, kaa'lie. Baarigaarra'ya rabbisie; baarigaarra'ya shitaera worte la'ooti; ate su'mira yee xonamanni noommota habbooti.

YOONAASI 2:7

Lubbo'ya daaqqu yannara, ate Kaaliiqa'ya qaage huucci'roommo; atino Qullaawa Minekki heedhe macciishshoottoe.

LAYINKI XIMOOTEWOOSI 4:14

Camote siwiila tumannohu Isikindiri lowo geeshsha miicinoe; Mootichu loosisita aannosi.

IBIRAAWOOTA 11:32

Hakkiinni sae wole ma yeemmo? Gedewoonirenna Baaraaqire, Samisonirenna Yofitahere, Daawitirenna Saamueelire, himanaanonnireno odeessate yanna ajjinoe.

YOHAANNIS AJUUJA 6:10

Tini lubbuwa qoonqonsa naggi assite, «Qullaawunna halaalaanchu, Wo'manka Dandaatto Mootichi, baattote aana hee'ranno manna qorichishattokkihunna mundeenke daafira rabbisattokkihu mamooti geeshshaati?» yitanni raartu.

EJJEETTO 15:18

Samisoni lowo geeshsha goo'rinohura, «Ane borojjichikkira tenne jawa qeelle ootto. Xa goo'rotenni reyoyya? Tenne maganiweelo gosa angara eo?» yaanni Kaaliiqiwa hige woxarati.

EJJEETTO 16:27

Hatte yannara meya labbaahu mine wo'me no. Filisxeemete gashshaano baalantino hakkiicho no. Samisoni godo'le la"ara shiqinohu 3,000 ikkanno meentinna labballi minu aana seekkinoonni darga no.

EJJEETTO 16:29

Hakkunni gedensaanni, mine amadde noore 2 mereeri tuuqqa mitto guracho anganni layinkiha qiniitichotenni amade,

EJJEETTO 5:31

Kaaliiqa, baarigaarrakki baala togo ikkite ba'o; ate baxxannori kayinni, soodo arrishsho gede xabbo. Hakkunni gedensaanni, baatto 40 diri geeshsha keere afidhu.