EJJEETTO 16:20 - Qullaawa Maxaafa

²⁰ «Samisoni, Filisxeemootu dagguhe!» yitu. Samisonino goxichunni baqqi yee, albi gede ikke tayise fuleemmo yee hedi. Kaaliiqi agurinosita kayinni diafino.

EJJEETTO 16:20 ပူးပေါင်းရင်းမြစ်များ

LAYINKI DUDUWO 15:2

Isino fule Aasanni xaade, «Moote Aasa, ati Yihudunna Biiniyaami ga're baala yeemmo'nere macciishshe! Ki'ne Kaaliiqi ledo heedhiniro, isino ki'ne ledo hee'ranno. Hasidhinisiro afidhinannisi; agurtinisiro kayinni isino aguranno'ne.

ISAYAASI 42:24

Yaiqoobi sircho Israeele, mulqi'rannohuranna saamannohura sayise uyinohu ayeti? Isi aana sao assinoommo daafira, yiino doogo ha'ra gimboommohuranna, seerasino wonshinoommokki daafira, konne coye assinohu Kaaliiqaati.

HOOSEI 7:9

Allaggu wolqansa guddu; insa kayinni diwodanchitino. Geedhimma leellishate awuuwe fultinonsa; insa kayinni diwodanchitino.

KIIRO 14:9

Kaaliiqiralla gara gibbinoonte; konne manna mittu qarri nookkiha qeelleemmona waajjitinoonte; Kaaliiqi ledonke noo daafira magannansa shawwu yitinona waajjitinoonte» yiinsa.

MAATEWOOSI 17:16

Rosaanokkiwano abboommo; insa kayinni hursa didandiitino» yii.

MAATEWOOSI 17:20

Yesuusi, «Ammana'ne xe'inohuraati. Halaale kuleemmo'nena, shiimiidi gumi geeshshi amma'na heedhoomme'nero konne ilaala, ‹Kawiinni kai!› yitiniro ha'ranno; dandiitinannikkiri mitturino dihee'ranno.

LAYINKI QORONTOOSI 3:5

Soqqamate wolqa aannonkehu Maganoho ikkinnina ninke uminkenni mittore nafa assate guunte dianfeemmo.

MARRO 32:30

Wolqaataamu Magani callachisha hoogoommensaro, Kaaliiqi facci asse agura hoogoommensaro, kume manna mittu manchi, tonne kume lamu manchi, hiitto asse qeelara dandaanno?

IYYAASU 7:12

Huna hasiissannore adhitino daafira, Israeele uminsa ba'anno. Diinnansa ittisa hoogginohuno kunniraati. Adhitinannikki gede hoolle hee'neennanni haadhinoonnire huntina geeshsha, ani ki'ne ledo dinoommmo.

EJJEETTO 16:14

Samisoni goxissuhe gedensaanni, lamalanta gudurosi meqeerrite cifichoho usurtu. Hakkunni gedensaanni, «Samisoni, Filisxeemootu dagguhe!» yite cancitu. Samisonino goxichunni baqqi yee, cifichoho gannoonnita gudurosi buqqi asse fushshi.

EJJEETTO 16:19

Daliila Samisoni giwoodise aana goxisse, mitto mancho woshshite lamalanta umisi guduro meedisiissu; wolqasi ba'ino daafira usurte,

EJJEETTO 16:21

Hakkunni gedensaanni Filisxeemootu dagge amaddusi. Illesino giddonni fushshite Gaaza haadhe hadhusi; camote cagaagenni usurte usuru mine gide daahanno gede assitusi.

EJJEETTO 16:3

Samisonino goxinowiinni hashshu mereerira kae, katamu xullichi cufana haa're, lamenka waalchono waawannate ledo buqqi asse fushshi. Hakkunni gedensaanni, qoteho wodhe Kebiroonira albaanni noo ilaali aana masse huni.

EJJEETTO 16:9

Holgeenni manna maaxxe worte, «Samisoni, Filisxeemootu dagguhe!» yitusi. Samisoni kayinni giira ittino fatilchi gede asse sunna tattayise tugi. Tenne wolqa maminni afi'rinoro afate didandiitino.

UMI SAAMUEELI 16:14

Kaaliiqi Ayyaani Saaooli aaninni ho'leenna, Kaaliiqino qarrisannosiha busha ayyaani soyi.

UMI SAAMUEELI 18:10

Layinki soodo Maganu soyinohu bushu ayyaani Saaooli aana wolqatenni dirri. Daawitino albinte gede bagana gananni hee'reenna, Saaooli minesi hee're macharaarinohu gede ikke coyi'rami. Hatte yannara Saaooli anga amaxxo amade no.

UMI SAAMUEELI 18:12

Kaaliiqi isiwiinni baxxe Daawiti ledo noo daafira, Saaooli Daawiti waajji.