EJJEETTO 15:18 - Qullaawa Maxaafa

¹⁸ Samisoni lowo geeshsha goo'rinohura, «Ane borojjichikkira tenne jawa qeelle ootto. Xa goo'rotenni reyoyya? Tenne maganiweelo gosa angara eo?» yaanni Kaaliiqiwa hige woxarati.

EJJEETTO 15:18 ပူးပေါင်းရင်းမြစ်များ

KALAQAMA 20:11

Abirihaamino, «Togo assoommohu, ‹Konniicho Magano waajjanno manni dihee'ranno› yee hedoommohura, galte'ya adhitara yite shitannoe yee waajjeeti.

KALAQAMA 32:31

Phiinieeli sa"anni hee'reennanni arrishsho fultu; isino giwoodu xissinosi daafira dinanni no.

LAYINKI SAAMUEELI 1:20

Filisxeemete meenti hagiidhannona, maganiweelo gosa seennino ilillisannona, konne coye Gaati Katamira dudubbinoonte. Asiqeloona gudumaalirano hasaabbinoonte.

YOHAANNISI 19:28

Hakkunni gedensaanni Yesuusi duuchunku coyi wo'minota afe, Qullaawu Qaali wo'manno gede, «Goo'rummo!» yii.

IBIRAAWOOTA 11:32

Hakkiinni sae wole ma yeemmo? Gedewoonirenna Baaraaqire, Samisonirenna Yofitahere, Daawitirenna Saamueelire, himanaanonnireno odeessate yanna ajjinoe.

EJJEETTO 14:3

Annisinna amasino, «Fiixikkinna gosakki mereero atera ikkitanno beetto dinoni? Maganiweelo gosa giddonni seenne adhate mayira halchitto?» yitusi. Samisoni kayinni annisira, «Ane ise baxisinoena isella haadhe"e» yiisi.

EJJEETTO 15:17

Togo yee kaihu gedensaanni harrichu baqqaalla tuge aguri. Hakkuyi dargirano su'ma, «Ramaati Leehi» yini.

EJJEETTO 16:28

Samisoni Kaaliiqa, «Kaaliiqa Mooticha'ya ballo qaagie; ba'ino ille'ya daafira Filisxeemoota rabbisi'reemmona Magano'ya ballo mitte higge calla jawaachishie» yee huucci'ri.

EJJEETTO 8:4

Gedewooninna sasunku xibbi manni Yordaanoosi fultu. Daafurte heedhenninni diinansa shorra diagurtino.

UMI SAAMUEELI 17:26

Daawitino mulesi uurre noo manna, «Afummona, konne Filisxeemicha shee konne shollinye Israeelete aaninni hoolannohura ma"assinannisi? Qoleno, Heeshshote Magani olanto uggannohu isi kuni Magano afinokki Filisxeemichi ayeti?» yee xa'mi.

UMI SAAMUEELI 17:36

Ani doobbiichonna wole gawajjanno moyicho shoommohu, Heeshshote Magani olanto ugginoha konne maganiweelo Filisxeemicha hiitto shaa hoogeemmo?

UMI SAAMUEELI 27:1

Daawiti kayinni wodanisinni, «Mitto barra Saaooli anga reya'ya digattannona, Filisxeemete gobba ba"a woyyitannoe. Hakkunni gedensaanni Saaooli Israeelete gobbara ane shorra aguranno; anino keere hee'reemmo» yee hedi.