EJJEETTO 14:6 - Qullaawa Maxaafa

⁶ Hatte yannara Kaaliiqi Ayyaani dirre wolqa wonshisi. Isino meichote goodane assinannihu gede asse amade anga callatennni tattayisi. Assinotano annisiranna amasira dikulino.

EJJEETTO 14:6 ပူးပေါင်းရင်းမြစ်များ

FAARSO 91:13

Doobbiichonna buute kadde uurratto; waajjishanno doobbiichinna harfaamu hamashshira aanaanni ha'ratto.

ISAYAASI 42:2

Cance dicoyi'ranno; dooggateno qoonqosi naggi diassanno.

ZAKKAARIYAASI 4:6

Hakkunni gedensaanni sokkaasinchu, «Tini Kaaliiqi Zerubaabeelira soyino sokkaati: Olantote Mootichi Kaaliiqi, ‹Qinaannohehu, Ayyaani'yanniiti ikkinnina, wolqakkinninna jawaantekkinni di"ikkino› yaanno.

MAATEWOOSI 11:29

Qambara'ya qoti'nera dukke; anewiinni rosse. Ani joogahonna shaqqadoho; lubbo'nerano fooliishsho afidhinanni.

IBIRAAWOOTA 11:33

Insa amma'natenni mootoolla qeeltino; dagano taashshite gashshitino. Uyinoonninsata addi addi hexxono afidhino; doobbiyu afoono cuffino.

UMI YOHAANNISI 3:8

Daawuloosi bi'renni cubbo loosannoha ikkino daafira, cubbo loosannohu Daawuloosiho. Maganu Beetti dayinohu Daawuloosi looso diigaraati.

EJJEETTO 11:29

Hakkunni gedensaanni Kaaliiqi Ayyaani Yofitahe aanira dirri. Isino Geleaadinna Minaase giddoonni hige ha'ranni olanto kakkayisi. Geleaadinna Mitsipha widoonni hige mare Amooni iilli.

EJJEETTO 13:25

Tsorianna Eshitaooli mereero Daani qachira hee'reenna Kaaliiqi Ayyaani wolqa wonshisi.

EJJEETTO 14:19

Hakkunni gedensaanni Kaaliiqi Ayyaani dirre wolqa wonshisi. Asiqeloona Katama dirre 30 manna shii. Imaanansa haa're hibbo kulturira uyinsa. Isino buwe hanqe hee're annisi minira ha'ri.

EJJEETTO 14:5

Hakkunni gedensaanni Samisoni annisinna amasi ledo Temina dirri. Mittu woyinete kaashshi dargira iillitanni heedheennanni, mittu aju doobbiichi ittananni dayi.

EJJEETTO 14:7

Hakkunni gedensaanni, mare beettote ledo hasaawi; iseno lowo geeshsha baxise.

EJJEETTO 15:15

Hakkiichinni, mule reyino harrichi baqqaalla haa're, hakko miqichinni 1,000 manna shii.

EJJEETTO 15:8

Hakkawoyintenni lowo manna doddole shii. Hakkunni gedensaanni dirre Etaami yinanniwa ha're godu giddo maaxami.

EJJEETTO 16:30

«Filisxeemootu ledo mitteenni reemmo» yee hede noosi wolqanni xiiwita, minu mootoollatenna giddo noo manni baalunku aana toi. Lubbotenni hee're shiinonkunni, reyanni shiino manni kiiro roortu.

EJJEETTO 3:10

Gotooniyaalirano Kaaliiqi Ayyaani dirrisi. Isino Israeelete albisa ikke olaho fuli. Kaaliiqi Mesiphexoomiyu moote Kusiristemi sayise uyinosi daafira qeeli.

UMI SAAMUEELI 10:16

Saaooli daware, «Harre leeltinota kulinonke» yii. Saamueeli moohatto yiinosita kayinni wosiilisira dikulino.

UMI SAAMUEELI 10:6

Hatte yannara Kaaliiqi Ayyaani dirre wolqa wonshanno. Atino kukkubbitanni insa ledo himana coyi'ratto; soorrante wole mancho ikkatto.

UMI SAAMUEELI 11:6

Saaooli konne coye macciishshita Maganu Ayyaani dirre wolqa wonshisi; isino lowo geeshsha hanqi.

UMI SAAMUEELI 14:1

Mitto barra Saaooli beetti Yoonaataani bagadosi duhanno wedellicha, «Amo ka'aanni Filisxeemete olanto qacha sa'nona» yiisi. Konne coye kayinni annisira dikulino.

UMI SAAMUEELI 17:46

Kaaliiqi techo ate anga'yara sayise aannohe; anino gane kare goowakkino mure tayiseemmo. Techo barrinni Filisxeemete olanto reeshsha allaattetenna moyichoho eemmo. Daga baalano Maganu Israeelete ledo noota affanno.