EJJEETTO 13:20 - Qullaawa Maxaafa

²⁰ La'anni heedheenna, giirate buwani kakkalote darginni kae gordo hige ha'ranna, Kaaliiqi sokkaasinchino buwanu giddo hee're ha'ri. Maanuhenna galtesi konne coye la'u woyite alba higge kumbuultu.

EJJEETTO 13:20 ပူးပေါင်းရင်းမြစ်များ

KALAQAMA 17:3

Abiraamino alba hige gombisame Maganoho kumbuuli. Maganuno,

LAYINKI MOOTOOLLA 2:11

Hasaabbanni hadhanni heedheenna, giirate gaare goshooshannohu giirate faradi hedeweelcho mereero e"e lamenka badi. Eeliyaasino hombobolatte haadhe gordo hadhusi.

UMI DUDUWO 21:16

Daawitino Yerusaalame ganara anga bise amade gordunna baattote mereero uurre noo sokkaasincho afi. Daawitinna xiddu uddano uddidhe noori Israeelete roorrooti baalu mitteenni baattote aana gombisantu.

UMI DUDUWO 21:21

Oorina Daawiti insawa daanni noota afe, ayiddummete giddonni fule baattote aana diriire keere haa'ri.

UMI DUDUWO 21:26

Daawiti hakkiicho Kaaliiqira kakkalote darga seekke shilqonnitanna mittimmate kakkalo shiqishi. Kaaliiqano huucci'reenna kakkalo ittanno giira gordunni soye huuccattosira dawaro qolisi.

FAARSO 47:5

Maganu ayirradu dargasi ha'ri woyite, Kaaliiqi iimira hige ha'ri yannara, ililleettenna buudu xurumbi luulo macciishshinoonni.

HIZIQEELI 1:26

Qalchoho aleenni bulu dilqinni seekkinoonnihu, ayirrado barcima lawannori no. Ayirradu barcimira mancho lawannohu ofolle no.

HIZIQEELI 1:28

Hakku xawaabbino, xeenu gedensaanni fultanno magani-seemo gede batinye dana afi'rinoho. Kuni wara'a yiino xawaabbino, Kaaliiqi ayirrinye leellishanno. Ani konne baala laummo yannara, alba hige gombisame hee're, mitte huuro macciishshoommo.

DAANIEELI 10:9

Manchu huuro macciishshummo yannara, mase anenee hawe baattote aana gombisame uwoommo.

LEEWAAWOOTA 9:24

Kaaliiqi hedeweelcho giira soyenna, kakkallanni darga nooha shilqote kakkalonna cooma baala ittu. Mannuno konne lae ilillisanni, umunni baatto kisanni Kaaliiqa ayirrisi.

MAATEWOOSI 17:6

Rosaanosi tenne huuro macciishshitu yannara lowo geeshsha masse, baattote aana ubbe gombisantu.

IBIRAAWOOTA 1:3

Isi Maganu ayirrinye xawise leellishino; isi ewelummasinni gudise Maganu ledo mittoho. Kalqe baala wolqaataamu qaalisinni irkise amade no. Mannano cubbunni keereensihu gedensaanni, gordoho ayirradu gashshaanchi Maganu qiniiteenni ofollino.

EJJEETTO 6:19

Gedewooni minisira ha're, aja meichu goco gorre gafi. 10 kiilo ikkitanno bullee haa're shiishinokki tima gani. Maala saffeho, waco midaanote haa're daye, qilxote hunda ofolle noohura shiqishisi.

EJJEETTO 6:21

Sokkaasinchuno amadino siqqo birxenni maalanna tima kisi. Kinchu giddonni giira fulte maalanna tima ittu. Hakkunni gedensaanni Kaaliiqi sokkaasinchi mulisinni ha'ri.