EJJEETTO 12:5 - Qullaawa Maxaafa

⁵ Geleaadootu Efireemira sayissannota Yordaanoosi lawo baala amaddu. Xooqe fulanno Efireemichi Geleaadi manna, «Saoni?» yee xa'miro, «Ati Efireemichaho?» yite xa'mitannosi. Hakko manchino, «Dee'ni» yee dawariro,

EJJEETTO 12:5 ပူးပေါင်းရင်းမြစ်များ

UMI MOOTOOLLA 11:26

Wolu Selemooni aana kainohu Efireemi gobbara Tsereda yinanniwa ilaminohu Naabaaxi beetti Iyorbiaamiiti. Isino Selemoonira soqqamannoho. Tseerua yinanniti amasi gunnittete.

IYYAASU 2:7

Mootete soqqamaano katamunni fulte hadhu. Katamu waalchino cufami. Soqqamaanosino dooyyitannore hassanni Yordaanoosi Waa fullanniwa massitanno doogo higge hadhu. Hassannori fulte hadhanni heedheennanni katamu waalchi cufami.

IYYAASU 22:11

Gatinohu Israeelete manni, «Roobeeliti, Gaaditinna soojjaato nooti Minaase ga're Yordaanoosi Wayi mule Kana"aani baattora nootera ninke iqqira Geliilooti kakkalote darga seekkitino» yinanni duduwo macciishshi.

EJJEETTO 12:4

Hakkunni gedensaanni, Yofitahe Geleaadi manna gamba asse Efireemi ledo olami. Efireemootu Geleaadi manna, «Ki'ne Efireeminna Minaasewiinni baxxitine fultinoonnireeti» yitinonsa daafira lowo geeshsha gawajjitunsa.

EJJEETTO 12:6

hanni «Shiiboleeti» yii yitannosi. Su'ma garunni gana hooge, «Siiboleeti» yiiro amadde hakkawoyintenni lawote shitanno. Kunni garinni 42,000 Efireemoota shitu.

EJJEETTO 17:7

Yihudaho Beetelihemete hee'rannohu, mittu Leewaawichu wedellichi no.

EJJEETTO 3:28

Isino, «Diina'ne Moaabi Kaaliiqi anga'nera sayise uyino'ne daafira hoode'ya amme!» yee hajajinsa. Insano hoodesi dirritu. Hakkunni gedensaanni Yordaanoosinni Moaabi sayissanno lawo amadde mittu mannino sa"annokki gede hooltu.

EJJEETTO 7:24

Gedewoonino gaaraame Efireemi gobbara heedhannorira baalaho, «Midiyaamootu aana dirre; Beetibaara geeshsha nooha Yordaanoosi Waano balaxxine amadde» yiinsa. Kunnira Efireemi manni baalunku lassineenna fule, Beetibaara geeshsha nooha Yordaanoosi Waa mare amadi.

UMI SAAMUEELI 1:1

Gaaraame Efireemi gobbara Raama Katamira Efireemi ga're giddo Hiliqaana yinannihu mittu manchi no. Hiliqaana Yirohaamiho, Yirohaami Eliyuho, Eliyu Tohuho, Tohu Tsuufiho.