EJJEETTO 11:39 - Qullaawa Maxaafa

³⁹ Lamu agani gedensaanni galagalte annisewa higgu. Isino yiino gede assi; iseno mine assidhukkinni gattu. Hakka warinni kayise,

EJJEETTO 11:39 ပူးပေါင်းရင်းမြစ်များ

LAYINKI DUDUWO 35:25

Himanaanchu Ermiyaasino Iyosiyaasira wi'lishshu geewo fushshi. Meentuno labballuno Iyosiyaasi qaage wi'lanno yannara techo geeshsha Ermiyaasi fushshino geewonni wi'lanno. Kuni coyino Israeelete gobbara roso ikki. Tenne geewo Israeelete qurto amadino maxaafi giddo borreessineenna no.

ISAYAASI 66:3

Anera booto kakkaltannoeri manna shitannoreeti; ge'rechu wilii'licho kakkaltannori woshichu haxo qiqqishshannoreeti. Gidu fushshaate abbitannoeri manchaamete mundee shiqishshannoreeti; hixaana giirtannoeri kaphu maganna magansidhannoreeti. Uminsa doogo hadhanno; hattenne assitino battenni hagiidhitanno.

MARRO 12:31

Insa magansidhanno woyite, Kaaliiqi giwanno coye baala assitanno. Oosonsa nafa magannansara giirte kakkaltanno. Kunni daafira, Magano'ne Kaaliiqa insa magansidhanno garinni horonta magansidhinoonte.

EJJEETTO 11:31

insa qeele higeemmo yannara mini'yanni fule haaraera shiqannoha atera shilqote kakkalo asse shiqisheemmohe» yee Kaaliiqira xa'ni.

EJJEETTO 11:38

Isino, «Maahoyyena ha'ri!» yee 2 agana fajjise. Iseno hakkuyi gedensaanni mine assidhannokki daafira darawose ikkino seenni ledo hadhe ilaallate aana wi'litu.

EJJEETTO 11:40

Israeelete seenni Geleaadichu Yofitahe beetto qaaganni diru dirunkunni mininni fule 4 barra qurta Israeelete gobbara roso ikkitu.

UMI SAAMUEELI 1:11

Iseno, «Wo'manka Dandaatto Kaaliiqa, ane borojjichokki qarra la'e hawittoekkinni qaagge labbaa beetto uyittoero, hee'ranno diro baala iso qole atera eemma; umisi dananchono horonta dimeendanni» yite xa'nitu.

UMI SAAMUEELI 1:22

Haanna kayinni mine gattino. Iseno ayiddaannisera, «Qaaqqu unuuna agurihu gedensaanni haa're Kaaliiqi Minira masseemma. Lubbotenni noo geeshshano hakkiicho hee'ranno» yitusi.

UMI SAAMUEELI 1:24

Saamueeli unuuna aguri yannara, qaaqqo ikkiro nafa Seelora Kaaliiqi Minira haadhe hadhinosi. Iso haadhe hadhu woyite, sasu diri middicha, tonne kiilo bulleenna mitte maaqqe wo'mitannota woyinete xajje haadhe massitino.

UMI SAAMUEELI 1:28

Anino iso qole Kaaliiqira eemma. Lubbotenni noo geeshsha Kaaliiqiha ikkanno» yitu. Insano hakkiicho Kaaliiqa magansidhu.

UMI SAAMUEELI 2:18

Saamueeli kayinni shiimu hee'renni fila shalonni gannoonnita gagasu uddano uddi're Kaaliiqi albaanni soqqamanni hee'ri.