EJJEETTO 11:27 - Qullaawa Maxaafa

²⁷ Ani atera hunoommori dino; ane qasate ka"akkinni sao assitanni noottohu ateeti. Halaale afinohu Kaaliiqi Israeeletenna Amoonootu mereero yaannore techo yaanno» yee sokka soyi.

EJJEETTO 11:27 ပူးပေါင်းရင်းမြစ်များ

KALAQAMA 16:5

Saarayino Abiraamira, «Tini beebba atera iillitohe; ise atera oommaheti aneeti; ise kayinni godobbanni heedhenni ane mishshinoena, aterenna anere Kaaliiqi yoo» yitusi.

KALAQAMA 18:25

Keeraano cubbaataammu ledo shaatto yee dihedeemmo; keeraano cubbaataammu gede diassatto; hatto assittoro keeraano cubbaataammu ledo qorichishakkiiti; gobba baalate gashshaanchi ati hattoo coye assattoni?» yii.

KALAQAMA 31:53

Tenne xaaro diingummoro, Abirihaaminna Naakoori Magani yoonke» yii. Yaiqoobino annisi Yisihaaqi magansi'ranno Magani su'minni xaari.

LAYINKI DUDUWO 20:12

Maganonke, tenne gawajjitanni noonketa bati'ra olanto hoo'late ninke wolqa diafi'noommona, ati insa qorichishi! Atewa hinge raara agurranna, assineemmore mittoreno dianfoommo» yii.

IYYOOBI 23:7

Halaale amade noommo daafira, coye'ya Maganunniwa massi'reenna, isino keereense, hegerera keeraanchoho yaannoehu baino.

IYYOOBI 9:15

Keeraancho ikkoommoro nafa, iso maaro huucci'reemmota ikkinnina, isira tumo diqoleemmo.

FAARSO 50:6

Maganu yoo yaannoha ikkino daafira, gorduno halaalaanchimmasi farchi'ranno.

FAARSO 7:11

Maganu halaalaancho daanyaati; bunshete coyira wo'ma woyite hanqanno.

FAARSO 75:7

Yoo yaannohu Maganoho; mito bushaho yee mito keereensanno.

FAARSO 82:8

Magano ballo, kai! Daga baalanti atetena, baattote aana yoo yii.

FAARSO 94:2

Mannu wo'munkura yoo yaattohu, ka'e boonaleeyyete malino qoricha uyi.

FAARSO 98:9

Isi baattote aana baalunkura halaalenna taalo coyi'rara daanni noona, insa Kaaliiqa magansidho!

ROSIISAANCHO 11:9

Ati wedellichu, wedellichimmakkinni tashshi yoohe; wedellichimmakki yannara wodanikki hagiidho; wodanikki hedinoha, illekki la'inoha assi. Ikkollana kunni baalunku coyira Maganu yoote shiqishannohetano habbooti.

ROSIISAANCHO 12:14

Maganu baalanka coye, maaxaminohano ikkiro mannu looso baala, danchano bushano yoote shiqishanno.

LAYINKI QORONTOOSI 11:11

Hatto yeemmohu baxeemmo'nekkihuraatini? Baxeemmo'neta Maganunku afino.

LAYINKI QORONTOOSI 5:10

Mittu mittunku maalunni hee're loosinoha dancha woy busha loosisi guma adhate, baalunku Kiristoosi barcimi yoonnihu albira shinqeemmo.

LAYINKI XIMOOTEWOOSI 4:8

Xaate kunni ka'a, keeraanchimmate ba'latto agarte nooe; tenne ba'latto halaalaancho yoo yaanno Mootichi hakko barra aannoe. Aannohuno ane callaho ikkikkinni, isi daa baxxannorira baalahooti.

IBIRAAWOOTA 12:23

Su'mansa gordoho borreessinoonniriwa bayirraaddu songo ammanaanonnitewa, wo'munkura yoo yaanno Maganiwanna guuta assinoonni keeraanowa gamba yitinoonni.

EJJEETTO 11:28

Amooni moote kayinni Yofitahe soyino sokka mite nafa diyiino.

UMI SAAMUEELI 2:10

Kaaliiqa gibbannori cancanantanno; isi gordoho hee're insara beleqanno; Kaaliiqi baatto baalate yoo yaanno; isi moohisinosihura wolqa aanno; buuramino mootera gaacheena aanno» yitu.

UMI SAAMUEELI 24:12

Kunni coyira bushu ayetiro Kaaliiqi yoo. Assoottoe bushara Kaaliiqi rabbiso ikkinnina, anga'yanni ate dikiseemmo.

UMI SAAMUEELI 24:13

Albi yannara, ‹Bunshe bushu mannilla loosanno› yinanni daafira, xaano anga'yanni ate dikiseemmohe.

UMI SAAMUEELI 24:15

Xaano atenna ane coye Kaaliiqi yoo; ane halaale isi fushshe, ate anganni gatisoe» yii.

UMI SAAMUEELI 24:16

Daawiti coye gudita Saaooli, «Beetto'ya Daawiti, tini ate qoonqoonti?» yaanni raare wi'li.